مصنف ابن ابي شيبه

حضرت ھبار فرماتے ہیں کہ میں حضرت عمر بن خطاب کی خدمت میں حاضر ہوا، آپ قربان گاہ میں اونٹ قربان کر رہے تھے۔

حضرت ابن عباس رضی اللہ عنہما فرماتے ہیں کہ مکہ مکرمہ میں ذبح کیا جائے گا، لیکن اس کے خون سے دور ہٹ جائے گا، راوی فرماتے ہیں کہ میں نے حضرت عطاء سے پوچھا آپ کہاں ذبح کرتے ہو ؟ آپ نے فرمایا کہ اپنی قیام کی جگہ میں۔

حضرت الأسود اونٹ کو اپنے قیام گاہ میں ذبح فرماتے ۔

حضرت ابن عمر رضی اللہ عنہما قربان گاہ میں قربانی فرماتے ، حضرت عبید اللہ فرماتے ہیں کہ آنحضرت صلی اللہ علیہ وآلہ وسلم کی قربان گاہ میں۔

حضرت سالم اپنے اھل کے پاس ذبح فرماتے ۔

حسن اور حضرت عطاء فرماتے ہیں کہ منیٰ میں جس جگہ آسانی ہو وہاں ذبح کیا جائے گا۔

حضرت جابر سے مروی ہے کہ نبی کریم صلی اللہ علیہ وآلہ وسلم نے ارشاد فرمایا : منیٰ تمام کا تمام قربان گاہ ہے، اور مکہ کا ہر کشادہ راستہ قربان گاہ ہی کا راستہ ہے۔

حضرت مختار بن سعید فرماتے ہیں کہ میں نے حضرت ابو جعفر کو دیکھا کہ انہوں نے منیٰ کے قربان گاہ میں اونٹوں کو ذبح کیا، اور ان کو عرفات لے کر نہ گئے۔

حضرت زید بن السائب فرماتے ہیں کہ میں نے حضرت خارجہ بن زید کو دیکھا کہ انہوں نے منیٰ میں اپنی جگہ پر قربانی کی، قربان گاہ میں قربانی نہ کی۔

حضرت خالد بن ابوبکر فرماتے ہیں کہ میں نے حضرت عبید اللہ بن عبد اللہ کو دیکھا آپ نے قربان گاہ میں قربانی فرمائی۔

حضرت ابن عباس رضی اللہ عنہما مکہ مکرمہ میں ذبح کیا کرتے تھے اور حضرت ابن عمر رضی اللہ عنہما منیٰ میں ذبح فرماتے ۔

حضرت ابن سابط فرماتے ہیں کہ ابراہیم جو اللہ کے خلیل ہیں انھوں نے گھاٹی کے پیچھے قربانی کی تھی۔

حضرت حجاج فرماتے ہیں کہ میں نے حضرت عطاء سے دریافت کیا کہ میں قربانی کہاں پر کروں ؟ آپ نے فرمایا مکہ مکرمہ اوپر والی جانب، میں نے عرض کیا نیچے کی طرف کرسکتا ہوں ؟ آپ نے فرمایا ہاں، میں نے عرض کیا کہ مقام الابطح میں ؟ آپ نے فرمایا ہاں، میں نے عرض کیا اور گھر میں ؟ آپ نے فرمایا، ہاں۔

حضرت ابن عمر رضی اللہ عنہما نے گھاٹی کے پیچھے قربانی کے جانور کو ذبح فرمایا۔

حضرت علی رضی اللہ عنہ سے مروی ہے کہ نبی کریم صلی اللہ علیہ وآلہ وسلم نے ارشاد فرمایا : منیٰ سارے کا سارا قربان گاہ ہے۔