مجمع الزوائد ومنبع الفوائد

سیدنا ابوایوب انصاری رضی اللہ عنہ روایت کرتے ہیں : نبی اکرم صلی اللہ علیہ وسلم نے ارشاد فرمایا : ” جو شخص یہ پڑھے :
«لَا إِلَهَ إِلَّا اللَّهُ وَحْدَهُ لَا شَرِيكَ لَهُ ، لَهُ الْمَلِكُ ، وَلَهُ الْحَمْدُ ، وَهُوَ عَلَى كُلِّ شَيْءٍ قَدِيرٌ»
” اللہ تعالیٰ کے علاوہ اور کوئی معبود نہیں ہے ، وہی ایک معبود ہے ، اس کا کوئی شریک نہیں ہے ، بادشاہی اسی کے لئے مخصوص ہے ، حمد اُسی کے لیے مخصوص ہے اور وہ ہر شے پر قدرت رکھتا ہے ۔ “
تو یہ کلمات اُس کے لئے 10 غلام آزاد کرنے کی مانند ہوں گے ۔ “ یہاں ایک لفظ کے بارے میں راوی کو شک ہے ۔
( علامہ ہیثمی فرماتے ہیں : ) میں یہ کہتا ہوں : ” صحیح “ میں ان صحابی کے حوالے سے ایک حدیث مذکور ہے جو اس روایت کے علاوہ ہے ، اور اس شخص کے بارے میں ہے جو یہ کلمہ دس مرتبہ پڑھتا ہے ۔
یہ روایت امام أحمد اور امام طبرانی نے نقل کی ہے ، انہوں نے ایک طریق میں یہ الفاظ نقل کیے ہیں : ” یہ اُس کے لئے سیدنا اسماعیل علیہ السلام کی اولاد میں سے 10 غلام آزاد کرنے کی مانند ہو گا ۔ “
اس روایت میں ، انہوں نے راوی کا شک ذکر نہیں کیا ہے ، امام أحمد کے رجال ” صحیح “ کے رجال ہیں اور طبرانی کے رجال میں ایک شخص حجاج بن نصیر ہے ، جسے جمہور نے ضعیف قرار دیا ہے ، ابن حبان نے اس کا تذکرہ کتاب ” الثقات “ میں کیا ہے ، وہ کہتے ہیں : یہ غلطی کر جاتا ہے ، اور وہم کا شکار ہو جاتا ہے ، اس روایت کے بقیہ رجال ” ثقہ “ ہیں ۔

سیدنا ابوایوب انصاری رضی اللہ عنہ روایت کرتے ہیں : نبی اکرم صلی اللہ علیہ وسلم نے ارشاد فرمایا : جو شخص یہ پڑھے : «لَا إِلَهَ إِلَّا اللَّهُ وَحْدَهُ لَا شَرِيكَ لَهُ ، لَهُ الْمُلْكُ ، وَلَهُ الْحَمْدُ ، وَهُوَ عَلَى كُلِّ شَيْءٍ قَدِيرٌ» ” اللہ تعالیٰ کے علاوہ اور کوئی معبود نہیں ہے ، وہی ایک معبود ہے ، اس کا کوئی شریک نہیں ہے ، بادشاہی اُسی کے لئے مخصوص ہے ، حمد اس کے لیے مخصوص ہے اور وہ ہر شے پر قدرت رکھتا ہے ۔ “ تو یہ پڑھنا ، اُس کے لیے ایک غلام ۔ ( راوی کو شک ہے ، یا شاید یہ الفاظ ہیں : ) دو غلام آزاد کرنے کی مانند ہو گا ۔ “
یہ روایت امام طبرانی نے نقل کی ہے ، اور اس کے رجال ” صحیح “ کے رجال ہیں ۔

ربیع بن خیثم فرماتے ہیں جو شخص یہ پڑھے : «لَا إِلَهَ إِلَّا اللَّهُ وَحْدَهُ لَا شَرِيكَ لَهُ ، لَهُ الْمُلْكُ ، وَلَهُ الْحَمْدُ ، يُحْيِي وَيُمِيتُ ، وَهُوَ عَلَى كُلِّ شَيْءٍ قَدِيرٌ» ” اللہ تعالیٰ کے علاوہ اور کوئی معبود نہیں ہے ، صرف وہی معبود ہے ، اس کا کوئی شریک نہیں ہے ، بادشاہی اُسی کے لئے مخصوص ہے ، حمد اس کے لیے مخصوص ہے ، وہ زندگی دیتا ہے اور وہ موت دیتا ہے اور وہ ہر شے پر قدرت رکھتا ہے ۔ “ ( نبی اکرم صلی اللہ علیہ وسلم فرماتے ہیں : ) تو یہ اس کے لیے سیدنا اسماعیل علیہ السلام کی اولاد میں چار غلام آزاد کرنے کی مانند ہو گا ۔ “
راوی بیان کرتے ہیں : میں نے ربیع بن خیثم سے دریافت کیا : آپ نے یہ روایت کس سے سنی ہے ؟ انہوں نے جواب دیا عمرو بن میمون سے ، راوی کہتے ہیں : میں عمرو بن میمون کے پاس آیا اور میں نے دریافت کیا : آپ نے
یہ روایت کس سے سنی ہے ، انہوں نے جواب دیا : ابن ابولیلیٰ سے ، میں ابن ابولیلیٰ کے پاس آیا ، میں نے دریافت کیا : آپ نے یہ روایت کس سے سنی ہے ؟ انہوں نے بتایا : سیدنا ابوایوب انصاری رضی اللہ عنہ سے ، اور انہوں نے اسے نبی اکرم صلی اللہ علیہ وسلم کے حوالے سے روایت کیا ہے ۔
یہ روایت امام طبرانی نے نقل کی ہے اور اس کے رجال ” صحیح“ کے رجال ہیں ۔

ایک دوسری روایت جس کو امام طبرانی نے نقل کیا ہے اس میں یہ الفاظ ہیں : ” جو شخص ایک مرتبہ ۔ ( راوی کو شک ہے ، یا شاید یہ الفاظ ہیں : ) ۔ دس مرتبہ یہ کلمات پڑھ لیتا ہے ، تو یہ اُس کے لئے ایک غلام آزاد کرنے ۔ ( راوی کو شک ہے ، یا شاید یہ الفاظ ہیں ) ۔ دس غلام آزاد کرنے کے برابر ہوتا ہے ۔ “ ان دونوں الفاظ کے بارے میں ، راوی کو شک ہے ۔ ان دونوں روایات کے رجال ” صحیح“ کے رجال ہیں ۔

سیدنا براء بن عازب رضی اللہ عنہ نبی اکرم صلی اللہ علیہ وسلم کا یہ فرمان نقل کرتے ہیں : ” جو شخص عطیہ کے طور پر کچھ چاندی دیتا ہے ، یا دودھ دیتا ہے ، یا مشکیزہ دیتا ہے تو یہ ایک جان کو آزاد کرنے کی مانند ہے ، اور جو شخص یہ کلمات پڑھ لیتا ہے : «لَا إِلَهَ إِلَّا اللَّهُ ، وَحْدَهُ لَا شَرِيكَ لَهُ ، لَهُ الْمُلْكُ وَلَهُ الْحَمْدُ ، وَهُوَ عَلَى كُلِّ شَيْءٍ قَدِيرٌ» ” اللہ تعالیٰ کے علاوہ اور کوئی معبود نہیں ہے ، صرف وہی ایک معبود ہے ، اس کا کوئی شریک نہیں ہے ، بادشاہی اُسی کے لئے مخصوص ہے اور حمد اُسی کے لیے مخصوص ہے ، اور وہ ہر شے پر قدرت رکھتا ہے ۔ “ تو یہ غلام کو آزاد کرنے کی مانند ہو گا ۔ “

ایک روایت میں یہ الفاظ ہیں : جو شخص یہ کلمات پڑھے : «لَا إِلَهَ إِلَّا اللَّهُ ، وَحْدَهُ لَا شَرِيكَ لَهُ ، لَهُ الْمُلْكُ ، وَلَهُ الْحَمْدُ ، وَهُوَ عَلَى كُلِّ شَيْءٍ قَدِيرٌ» ” اللہ تعالیٰ کے علاوہ اور کوئی معبود نہیں ہے ، صرف وہی ایک معبود ہے ، اس کا کوئی شریک نہیں ہے ، بادشاہی اسی کے لئے مخصوص ہے اور حمد اُسی کے لیے مخصوص ہے اور وہ ہر شے پر قدرت رکھتا ہے ۔ “ جو شخص دس مرتبہ یہ کلمات پڑھ لے گا ، تو یہ اس کے لئے ایک غلام آزاد کرنے کی مانند ہو گا ۔ یہاں ایک لفظ کے بارے میں راوی کو شک ہے ۔
( علامہ ہیثمی فرماتے ہیں : ) میں یہ کہتا ہوں :
یہ روایت امام ترمذی نے اختصار کے ساتھ نقل کی ہے ، جس میں «لا اله الا الله» پڑھنے اور اس کے ثواب کا ذکر ہے ۔ یہ دونوں روایات امام أحمد میں نقل کی ہیں ، اور دونوں کے رجال ” صحیح “ کے رجال ہیں ۔

سیدنا ابوامامہ رضی اللہ عنہ روایت کرتے ہیں : نبی اکرم صلی اللہ علیہ وسلم نے ارشاد فرمایا : ” جو شخص یہ پڑھ لے : «لَا إِلَهَ إِلَّا اللَّهُ ، وَحْدَهُ لَا شَرِيكَ لَهُ ، لَهُ الْمُلْكُ ، وَلَهُ الْحَمْدُ ، وَهُوَ عَلَى كُلِّ شَيْءٍ قَدِيرٌ» ” اللہ تعالیٰ کے علاوہ اور کوئی معبود نہیں ہے ، صرف وہی معبود ہے ، اس کا کوئی شریک نہیں ہے ، بادشاہی اُسی کے لئے مخصوص ہے ، حمد اس کے لیے مخصوص ہے اور وہ ہر شے پر قدرت رکھتا ہے ۔ “ نبی اکرم صلی اللہ علیہ وسلم فرماتے ہیں : ” تو کوئی بھی عمل اُس سے سبقت نہیں لے جائے گا ، اور اس کے ہمراہ کوئی گناہ باقی نہیں رہے گا ۔ “
یہ روایت امام طبرانی نے نقل کی ہے ، اس کی سند میں ایک راوی سلیم بن عثمان طائی فوزی ، ابوعثمان حمصی ہے ، جیسا کہ ” میزان الاعتدال “ میں مذکور ہے ، ایک سے زیادہ افراد نے اس کے حافظے کے حوالے سے اسے ضعیف قرار دیا ہے ، ابن حبان نے اس کا تذکرہ کتاب ” الثقات “ میں کیا ہے ، اور یہ کہا: ہے : اس کے حوالے سے سلیمان بن سلمہ خبائری کے علاوہ کسی نے روایت نقل نہیں کی ہے ، اور یہ راوی ضعیف ہے ، اگر اس کے علاوہ اس سے روایت کرنے والا کوئی راوی مل جاتا ہے تو پھر اس کی نقل کردہ حدیث کا اعتبار کیا جائے گا اور اس کو ان لوگوں کے ساتھ ملا دیا جائے گا ، جن پر جرح یا تعدیل کے حوالے سے تساہل سے کام لیا جاتا ہے ، ابن ابوحاتم نے اس کا ذکر کیا ہے ، انہوں نے یہ بات بیان کی ہے : اس نے اپنے والد سے روایات نقل کی ہیں اور اس سے محمد بن عوف اور ابوعتبہ أحمد بن فرج نے روایات نقل کی ہیں اور یہ راوی مجہول ہے ، اس نے عجیب و غریب روایات نقل کی ہیں ، اس سے تین افراد نے روایات نقل کی ہیں ، اس روایت کے بقیہ رجال ” صحیح“ کے رجال ہیں ۔

سیدنا عبداللہ بن عمر بیا تا بیان کرتے ہیں : میں نے نبی اکرم سلیم کو یہ ارشاد فرماتے ہوئے سنا ہے : جو شخص یہ پڑھتا ہے : «لَا إِلَهَ إِلَّا اللَّهُ ، وَحْدَهُ لَا شَرِيكَ لَهُ ، لَهُ الْمُلْكُ ، وَلَهُ الْحَمْدُ ، وَهُوَ الْحَيُّ الَّذِي لَا يَمُوتُ ، بِيَدِهِ الْخَيْرُ ، وَهُوَ عَلَى كُلِّ شَيْءٍ قَدِيرٌ» ” اللہ تعالیٰ کے علاوہ اور کوئی معبود نہیں ہے ، صرف وہی ایک معبود ہے ، اس کا کوئی شریک نہیں ہے ، بادشاہی اسی کے لئے مخصوص ہے اور حمد اسی کے لیے مخصوص ہے اور وہ ایسا زندہ ہے جسے موت نہیں آئے گی ، بھلائی اُسی کے دست قدرت میں ہے اور وہ ہر شے پر قدرت رکھتا ہے ۔ “
( نبی اکرم صلی اللہ علیہ وسلم فرماتے ہیں : ) ”جو شخص اللہ تعالیٰ کی رضا کے حصول کے لیے اسے پڑھتا ہے ، تو اس کی وجہ سے اللہ تعالیٰ اُسے جنت میں داخل کر دے گا“ ۔
یہ روایت امام طبرانی نے نقل کی ہے ، اس کی سند میں ایک راوی یحیی بن عبداللہ بابلتی ہے اور وہ ضعیف ہے ۔

سیدہ ام سلمہ رضی اللہ عنہا بیان کرتی ہیں : انہوں نے نبی اکرم صلی اللہ علیہ وسلم کو یہ ارشاد فرماتے ہوئے سنا ہے : جو شخص یہ پڑھتا ہے : «لَا إِلَهَ إِلَّا اللَّهُ ، وَحْدَهُ لَا شَرِيكَ لَهُ» ” اللہ تعالیٰ کے علاوہ اور کوئی معبود نہیں ہے ، وہی ایک معبود ہے ، اس کا کوئی شریک نہیں ہے ۔ “ تو اللہ تعالیٰ اُس کے لیے اتنی ، اتنی نیکیاں نوٹ کر لیتا ہے ۔ “
یہ روایت امام طبرانی نے نقل کی ہے ، اور اس کی سند حسن ہے ۔

سیدنا عبداللہ بن ابواوفیٰ رضی اللہ عنہ روایت کرتے ہیں : نبی اکرم صلی اللہ علیہ وسلم نے ارشاد فرمایا : جو شخص یہ پڑھتا ہے : «لَا إِلَهَ إِلَّا اللَّهُ ، وَحْدَهُ لَا شَرِيكَ لَهُ ، أَحَدٌ صَمَدٌ ، لَمْ يَلِدْ وَلَمْ يُولَدْ ، وَلَمْ يَكُنْ لَهُ كُفُوًا أَحَدٌ» ” اللہ تعالیٰ کے علاوہ اور کوئی معبود نہیں ہے ، صرف وہی ایک معبود ہے ، اس کا کوئی شریک نہیں ہے ، وہ یکتا ہے ، بے نیاز ہے ، اس نے کسی کو جنم نہیں دیا اور نہ ہی اُسے جنم دیا گیا ، اور کوئی اس کا ہمسر نہیں ہے ۔ “ ( نبی اکرم صلی اللہ علیہ وسلم فرماتے ہیں : ) تو اللہ تعالیٰ اُس کے لیے دو ہزار ، ہزار نیکیاں نوٹ کر لیتا ہے ۔ “
یہ روایت امام طبرانی نے نقل کی ہے ، اس کی سند میں ایک راوی فائد ابوالورقاء ہے اور وہ متروک ہے ۔