مصنف ابن ابي شيبه

حضرت جابر بن زید رضاعی بھائی کے بیچنے کو مکروہ قرار دیتے ہیں۔

حسن نے رضاعی بہن اور رضاعی دادی بیچنے کو مکروہ قرار دیا۔

حسن سے رضاعی بھائی کو بیچنے کے بارے میں سوال کیا گیا تو انہوں نے اسے مکروہ قرار دیا، راوی کہتے ہیں کہ میں نے اس بات کا تذکرہ حضرت قتادہ سے کیا تو انہوں نے فرمایا کہ حضرت جابر بن زید کی رائے بھی یہی تھی اور ابراہیم نخعی فرماتے تھے کہ اگر چاہے تو بیچ سکتا ہے۔

حسن فرماتے ہیں کہ رضاعی بھائی کو بیچنا مکروہ ہے۔

حضرت علقمہ فرماتے ہیں کہ ایک آدمی نے حضرت عبدا للہ سے سوال کیا کہ میری باندی نے میرے بیٹے کو دودھ پلایا ہے، کیا میں ا س باندی کو بیچ سکتا ہوں ؟ حضرت عبد اللہ رضی اللہ عنہ نے اس بات پر ناگواری کا اظہار کرتے ہوئے فرمایا کہ یہ بات کتنی عجیب ہوگی کہ تم اسے بازار لے جاؤ اور آواز لگاؤ کہ مجھ سے میرے بچے کی ماں کون خریدے گا ؟