مصنف ابن ابي شيبه

حضرت علی رضی اللہ عنہ فرمایا کرتے تھے کہ غلام صرف دو شادیاں کرسکتا ہے۔

حضرت مجاہد فرماتے ہیں کہ غلام چار شادیاں کرسکتا ہے۔ حضرت عطاء فرماتے ہیں کہ غلام صرف دو شادیاں کرسکتا ہے۔

حضرت شعبی فرماتے ہیں کہ غلام صرف دو شادیاں کرسکتا ہے۔

حضرت عطاء فرماتے ہیں کہ غلام صرف دو شادیاں کرسکتا ہے۔

محمد فرماتے ہیں کہ غلام کے لئے دو سے زیادہ شادیاں کرنا مکروہ ہے، خواہ آزاد عورتیں ہوں یاباندیاں۔ غلام کا مال آقا کا مال ہے۔

حسن فرماتے ہیں کہ غلام صرف دو شادیاں کرسکتا ہے۔

حضرت عمر رضی اللہ عنہ نے ایک مرتبہ سوال کیا کہ کون جانتا ہے کہ غلام کتنی شادیاں کرسکتا ہے ؟ ایک آدمی نے کہا میں جانتا ہوں۔ حضرت عمر نے پوچھا کتنی شادیاں کرسکتا ہے ؟ اس نے کہا دو ۔ یہ سن کر حضرت عمر رضی اللہ عنہ اس کی تصدیق کرتے ہوئے خاموش ہوگئے۔

حضرت خالد بن ابی عمران کہتے ہیں کہ میں نے حضرت سالم اور حضرت قاسم سے پوچھا کہ غلام کتنی شادیاں کرسکتا ہے ؟ انہوں نے فرمایا چار۔

حضرت حکم فرماتے ہیں کہ صحابہ کرام رضی اللہ عنہ م کا اس بات پر اجماع تھا کہ غلام دو سے زیادہ شادیاں نہیں کرسکتا۔

حضرت براہیم فرماتے ہیں کہ غلام دو سے زیادہ شادیاں کرسکتا ہے۔