مصنف ابن ابي شيبه

حضرت عبد اللہ بن یزید کہتے ہیں کہ حضرت انس بن مالک رضی اللہ عنہ حضرت عمر بن عبد العزیز کے ساتھ مقصورہ میں نماز پڑھتے پھر ہمارے پاس تشریف لے آتے۔

حسن مقصورہ میں نماز پڑھا کرتے تھے۔

حضرت جعفر کہتے ہیں کہ حضرت علی رضی اللہ عنہ بن حسین، میرے والد اور حضرت قاسم مقصورہ میں نماز پڑھا کرتے تھے۔

حضرت عبید اللہ بن یزید کہتے ہیں کہ میں نے سائب بن یزید کو مقصورہ میں نماز پڑھتے دیکھا ہے۔

حضرت قیس بن عبد اللہ کہتے ہیں کہ میں نے حسن کو مقصورہ میں نماز پڑھتے دیکھا ہے

حضرت سلمہ بن وردان کہتے ہیں کہ میں نے حضرت انس کو حجروں کے پاس نماز پڑھتے دیکھا ہے۔

حضرت عامر بن ذؤیب کہتے ہیں کہ میں نے حضرت ابن عمر رضی اللہ عنہما سے حجروں کے پاس نماز پڑھنے کے بارے میں سوال کیا تو انہوں نے فرمایا کہ انہیں یہ خوف ہے لوگ انہیں قتل کردیں گے !

حضرت عبید اللہ کہتے ہیں کہ میں نے حضرت سالم، حضرت قاسم اور حضرت نافع کو مقصورہ میں نماز پڑھتے دیکھا ہے۔