المعجم الكبير للطبراني

سیدنا عبداللہ بن مسعود رضی اللہ عنہ نے فرمایا: ”اس کے لیے اپنی جیسی عورتوں کا مہر ہے، نہ کمی نہ زیادتی، اور اس پر عدت لازم ہے اور اسے وراثت ملے گی۔“ تو ابوسنان اشجعی رضی اللہ عنہ اشجع کے کچھ لوگوں کے ساتھ کھڑے ہوئے اور گواہی دی ”کہ نبی کریم ﷺ نے بروع بنت واشق اشجعیہ کے معاملے میں یہی فیصلہ فرمایا تھا۔“

…اور اس نے اسے چھوا نہیں تھا کہ وہ فوت ہو گیا، تو انہوں نے کئی بار لوگوں کو لوٹایا، پھر کہا: میں اس میں اپنی رائے سے فیصلہ دیتا ہوں، اگر درست ہو تو اللہ کی طرف سے ہے، اور اگر غلط ہو تو میری طرف سے ہے، میری رائے یہ ہے کہ ”اسے اپنی جیسی عورتوں کا مہر ملے گا، نہ کمی نہ زیادتی، اور اس پر عدت لازم ہے اور اسے وراثت ملے گی۔“ تو معقل بن سنان اشجعی رضی اللہ عنہ کھڑے ہوئے اور کہا: ”میں گواہی دیتا ہوں کہ آپ نے اس میں بالکل وہی فیصلہ دیا ہے جو رسول اللہ ﷺ نے بروع بنت واشق کے معاملے میں دیا تھا،“ وہ بنی رواس کی عورت تھی جو بنی عامر بن صعصعہ کی ایک شاخ ہے، اور سفیان بھی اسی کو لیتے ہیں۔

…اور اس نے اس کا مہر مقرر نہیں کیا تھا، تو لوگ ایک مہینے تک اس کے بارے میں ابن مسعود رضی اللہ عنہ کے پاس آتے جاتے رہے، وہ کچھ نہیں فرماتے تھے۔ پھر انہوں نے کہا: میں اس میں اپنی رائے سے فیصلہ دیتا ہوں، اگر غلط ہو تو میری طرف سے ہے، اور اگر درست ہو تو اللہ کی طرف سے ہے، میں کہتا ہوں: ”اسے اپنی جیسی عورتوں کا مہر ملے گا، اور اس پر عدت لازم ہے اور اسے وراثت ملے گی۔“ تو معقل بن یسار اشجعی رضی اللہ عنہ کھڑے ہوئے اور کہا: ”رسول اللہ ﷺ نے بروع بنت واشق کے معاملے میں بالکل ایسا ہی فیصلہ دیا تھا جیسا آپ نے دیا،“ تو ابن مسعود رضی اللہ عنہ خوش ہو گئے۔

…لوگ ایک مہینے تک اس کے بارے میں ان کے پاس آتے جاتے رہے، وہ کوئی فیصلہ نہیں دیتے تھے۔ پھر انہوں نے کہا: میں اس میں اپنی رائے سے فیصلہ دیتا ہوں، اگر غلط ہو تو میری طرف سے ہے، اور اگر درست ہو تو اللہ کی طرف سے ہے، ”اسے اپنی جیسی عورتوں کے مہر جیسا ملے گا، اور اس پر عدت لازم ہے اور اسے وراثت ملے گی۔“ تو ابوسنان اشجعی رضی اللہ عنہ کھڑے ہوئے اور کہا: ”رسول اللہ ﷺ نے بروع بنت واشق کے معاملے میں یہی فیصلہ دیا تھا،“ تو عبداللہ بن مسعود رضی اللہ عنہ اس پر خوش ہو گئے۔

…عبداللہ بن مسعود رضی اللہ عنہ سے ایک ایسے آدمی کے بارے میں پوچھا گیا جس نے ایک عورت سے نکاح کیا، پھر وہ اس کے پاس دخول کیے بغیر فوت ہو گیا اور اس کا مہر مقرر نہیں کیا تھا، تو انہوں نے کہا: ”اسے پورا مہر ملے گا، اور اس پر عدت لازم ہے اور اسے وراثت ملے گی۔“ تو معقل بن سنان رضی اللہ عنہ نے کہا: میں نے رسول اللہ ﷺ کو سنا ”آپ ﷺ نے بروع بنت واشق کے معاملے میں یہی فیصلہ دیا تھا۔“

…بصرہ کے کچھ لوگوں نے - جن میں حسن بن ابی الحسن بھی شامل تھے - سیدنا معقل بن سنان اشجعی رضی اللہ عنہ کے بارے میں روایت کی، وہ کہتے ہیں: رسول اللہ ﷺ میرے پاس سے گزرے جبکہ میں رمضان کی اٹھارہ تاریخ کو پچھنے لگوا رہا تھا، تو آپ ﷺ نے فرمایا: ”پچھنے لگانے والے اور جس کو پچھنے لگائے جائیں دونوں کا روزہ ٹوٹ گیا۔“

…نافع بن جبیر بن مطعم کہتے ہیں: میرے پاس معقل بن سنان رضی اللہ عنہ آئے اور انہوں نے مجھے بتایا کہ رسول اللہ ﷺ نے فرمایا: ”غفار، اسلم، جہینہ اور مزینہ اللہ عزوجل اور اس کے رسول کے خاص موالی ہیں۔“