صحيح الادب المفرد

سیدنا ابوموسیٰ اشعری رضی اللہ عنہ سے روایت ہے کہ رسول اللہ صلی اللہ علیہ وسلم نے فرمایا: ”جس نے نرد (چوسر) کھیلا اس نے اللہ اور اس کے رسول کی نافرمانی کی۔“

سیدنا عبداللہ بن مسعود رضی اللہ عنہ سے روایت ہے، انہوں نے فرمایا: ”ان دو نشان زدہ پانسوں سے بچو جنہیں ہلا ہلا کر پھینکا جاتا ہے، کیونکہ یہ جوئے میں سے ہیں۔“

سیدنا بریدہ (بن حصیب) رضی اللہ عنہ نبی صلی اللہ علیہ وسلم سے روایت کرتے ہیں کہ آپ صلی اللہ علیہ وسلم نے فرمایا: ”جس نے نردشیر (چوسر) کھیلا گویا اس نے اپنے ہاتھ سور کے گوشت اور اس کے خون میں رنگ لیے۔“