صحيح الادب المفرد

سیدنا ابن عباس رضی اللہ عنہما سے اللہ عزوجل کے فرمان: «ومن الناس من يشتري لهو الحديث» ”اور لوگوں میں سے کوئی ایسا بھی ہے جو غافل کرنے والی بات خریدتا ہے“ کے بارے میں مروی ہے، انہوں نے فرمایا: ”(اس سے مراد) گانا اور اس جیسی چیزیں ہیں۔“

سیدنا براء بن عازب رضی اللہ عنہما سے روایت ہے، انہوں نے کہا: رسول اللہ صلی اللہ علیہ وسلم نے فرمایا: ”سلام کو عام کرو، سلامت رہو گے، اور اکڑ (و بیہودگی) برائی ہے۔“ ابومعاویہ نے کہا: «الأشرة» سے مراد فضول (بے ہودہ) کام ہے۔