صحيح الادب المفرد

سیدنا انس بن مالک رضی اللہ عنہ سے روایت ہے، انہوں نے کہا: رسول اللہ صلی اللہ علیہ وسلم اپنے ایک سفر میں تھے، حدی خواں نے حدی پڑھی (اور اونٹ تیز چلنے لگے) تو نبی صلی اللہ علیہ وسلم نے فرمایا: ”اے انجشہ! تجھ پر افسوس، شیشوں (یعنی عورتوں) کے ساتھ نرمی کرو۔“

سیدنا عمر رضی اللہ عنہ سے روایت ہے (میرا خیال ہے کہ یہ سیدنا عمر ہی سے ہے، اس میں میرے والد کو شک ہے) کہ انہوں نے فرمایا: ”آدمی کے جھوٹا ہونے کے لیے یہی کافی ہے کہ وہ ہر سنی سنائی بات بیان کر دے۔“

راوی نے کہا: اور میرا خیال ہے کہ انہوں نے کہا: سیدنا عمر رضی اللہ عنہ نے فرمایا: ”کیا توریہ (ذو معنی گفتگو) میں اتنی گنجائش نہیں جو مسلمان کو جھوٹ سے بے نیاز کر دے؟“