المستدرك على الصحيحين

سیدنا سلمان فارسی رضی اللہ عنہ سے روایت ہے، انہوں نے کہا: ہمیں رسول اللہ ﷺ نے اس بات سے منع فرمایا ہے کہ ہم مہمان کے لیے (حد سے زیادہ) تکلف کریں۔

سیدنا ابوامامہ رضی اللہ عنہ سے روایت ہے کہ نبی کریم ﷺ نے فرمایا: ”میرے نزدیک لوگوں میں سب سے زیادہ قابلِ رشک وہ مومن ہے جس کا بوجھ ہلکا ہو، اسے نماز سے وافر حصہ ملا ہو، اس نے اپنے رب کی بہترین عبادت کی ہو اور تنہائی میں بھی اس کی اطاعت گزاری کی ہو، وہ لوگوں میں گمنام رہا ہو کہ اس کی طرف انگلیوں سے اشارہ نہ کیا جاتا ہو، اور اس کا رزق ضرورت کے مطابق (کفاف) ہو اور اس نے اس پر صبر کیا ہو“، پھر رسول اللہ ﷺ نے اپنی انگلی مبارک کو جھٹکا دیا اور فرمایا: ”اس کی موت جلد آ گئی، اس پر رونے والیاں کم تھیں اور اس کی میراث بھی بہت تھوڑی تھی۔“
اہل شام کے نزدیک یہ اسناد ان کے معیار پر صحیح ہے، لیکن شیخین نے اسے روایت نہیں کیا۔

سیدنا عبداللہ بن عمرو رضی اللہ عنہما سے روایت ہے کہ رسول اللہ ﷺ نے فرمایا: ”وہ شخص کامیاب ہو گیا جو اسلام لایا، اسے بقدرِ ضرورت (کفاف) رزق دیا گیا اور اللہ نے اسے جو کچھ عطا فرمایا اس پر اسے قناعت نصیب فرما دی۔“
یہ حدیث شیخین کی شرط پر صحیح ہے لیکن انہوں نے اسے روایت نہیں کیا۔