المستدرك على الصحيحين

بلال بن یحییٰ سے روایت ہے کہ جب سیدنا حذیفہ رضی اللہ عنہ کی وفات کا وقت قریب آیا - اور وہ سیدنا عثمان رضی اللہ عنہ کے بعد چالیس دن تک زندہ رہے تھے - تو انہوں نے ہمیں وصیت کی: ”میں تمہیں اللہ کے تقویٰ اور امیر المؤمنین علی بن ابی طالب رضی اللہ عنہ کی اطاعت کی وصیت کرتا ہوں۔“

ربعی بن حراش سے روایت ہے کہ ایک شخص سیدنا حذیفہ رضی اللہ عنہ کے پاس آیا اور کہا: ”اے ابو عبداللہ!“

قیس سے روایت ہے کہ جب سیدنا حذیفہ رضی اللہ عنہ کے پاس ان کا کفن لایا گیا، اور وہ اس وقت سیدنا ابو مسعود رضی اللہ عنہ کا سہارا لیے ہوئے تھے، راوی کہتے ہیں: ان کے پاس ایک نیا کفن لایا گیا، تو انہوں نے فرمایا: ”تم اس کا کیا کرو گے؟ اگر تمہارا ساتھی (یعنی میں) نیک ہوا تو اللہ تعالیٰ اسے اس سے بہتر سے بدل دے گا، اور اگر معاملہ اس کے برعکس ہوا تو اللہ تعالیٰ قیامت کے دن یہی کفن اس کے منہ پر مارے گا۔“

سیدنا ابو مسعود انصاری رضی اللہ عنہ سے روایت ہے کہ رات کے ابتدائی حصے میں سیدنا حذیفہ رضی اللہ عنہ پر غشی طاری ہو گئی، پھر جب انہیں افاقہ ہوا تو پوچھا: ”یہ رات کا کون سا وقت ہے؟“ میں نے عرض کیا: یہ سحر کا آخری وقت ہے، تو انہوں نے دو یا تین بار فرمایا: «عَائِذٌ بِاللَّهِ مِنْ جَهَنَّمَ» ”میں جہنم سے اللہ کی پناہ مانگتا ہوں“، پھر فرمایا: ”میرے لیے دو کپڑے خریدنا اور انہی میں مجھے کفن دینا، اور مجھ پر مہنگا کفن نہ لینا، کیونکہ اگر تمہارا ساتھی (اللہ کے ہاں) پسند کر لیا گیا تو اسے ان سے بہتر لباس پہنایا جائے گا، ورنہ یہ دونوں کپڑے بھی اس سے بڑی تیزی سے چھین لیے جائیں گے۔“

سیدنا حذیفہ رضی اللہ عنہ سے روایت ہے کہ نبی کریم ﷺ نے فرمایا: ”میرے پاس جبریل علیہ السلام آئے اور انہوں نے بتایا: بیشک حسن اور حسین (رضی اللہ عنہما) اہل جنت کے نوجوانوں کے سردار ہیں“، پھر رسول اللہ ﷺ نے مجھ سے فرمایا: ”اے حذیفہ! اللہ تمہاری اور تمہاری والدہ کی مغفرت فرمائے۔“