المستدرك على الصحيحين

ہشام بن کلبی رسول اللہ ﷺ کے اس ارشاد «وإن أول دَمٍ أَضَعُه دمُ ربيعة بن الحارث» ”اور پہلا خون جسے میں (زمانہ جاہلیت کا بدلہ ہونے کی بنا پر) ختم کرتا ہوں وہ ربیعہ بن حارث کا خون ہے“ کے متعلق فرماتے ہیں کہ ان کا بیٹا بنو لیث میں دودھ پیتا تھا جسے بنو ہذیل نے قتل کر دیا تھا۔ ہشام کہتے ہیں کہ ربیعہ شہید نہیں ہوئے تھے بلکہ وہ نبی کریم ﷺ کے بعد سیدنا عمر رضی اللہ عنہ کی خلافت تک زندہ رہے، ہذیل کے ہاتھوں جو قتل ہوئے تھے وہ ان کے بیٹے تھے۔
سیدنا سعید بن حارث بن عبد المطلب رضی اللہ عنہ کے مناقب کا ذکر:

ابو امامہ بن سہل بن حنیف سے روایت ہے کہ وہ سیدنا معاویہ رضی اللہ عنہ کے دور میں شام آئے تو اہل شام کی ایک جماعت ان سے ملی اور پوچھا کہ آپ کا معاذ (بن جبل) کے ساتھ کیا رشتہ ہے؟ میں نے کہا: وہ میرے چچا زاد ہیں، انہوں نے کہا: کیا ہم آپ کو وہ حدیث نہ سنائیں جو انہوں نے اپنی وفات سے قبل ہمیں سنائی تھی اور اس سے پہلے کبھی نہیں سنائی تھی؟ میں نے کہا: کیوں نہیں، تو انہوں نے بتایا کہ معاذ رضی اللہ عنہ نے اپنی وفات سے پہلے بیان کیا کہ انہوں نے رسول اللہ ﷺ کو یہ فرماتے ہوئے سنا: ”جو شخص اللہ سے اس حال میں ملے کہ اس کے ساتھ کسی کو شریک نہ ٹھہراتا ہو، وہ جنت میں داخل ہو گیا۔“

موسیٰ بن جبیر کہتے ہیں کہ میں نے ابو امامہ کی یہ حدیث سلمان الاغر کو سنائی تو انہوں نے کہا: میں گواہی دیتا ہوں کہ مجھ سے سیدنا سعید بن حارث بن عبد المطلب رضی اللہ عنہ نے رسول اللہ ﷺ کے حوالے سے بالکل ویسی ہی حدیث بیان کی تھی جیسی شامیوں نے معاذ رضی اللہ عنہ کے حوالے سے بیان کی۔
سیدنا خالد بن سعید بن عاص بن امیہ بن عبد شمس بن عبد مناف رضی اللہ عنہ کے مناقب کا ذکر: