مصنف ابن ابي شيبه

حضرت جابر رضی اللہ عنہ فرماتے ہیں کہ مصحف کو خرید لو لیکن اسے فروخت نہ کرو۔

حضرت ابن عباس رضی اللہ عنہما نے مصحف کے خریدنے کو جائز اور بیچنے کو مکروہ قرار دیا ہے۔

حضرت سعید بن جبیر سے بھی یونہی منقول ہے۔

حضرت ابن عباس رضی اللہ عنہما فرماتے ہیں کہ مصاحف کو خرید لو لیکن مت بیچو۔

حضرت حکم فرماتے ہیں کہ ان کے خریدنے میں کوئی حرج نہیں۔

حضرت جعفر کے والد فرماتے ہیں کہ مصحف کے خریدنے میں اور اس کے لکھنے پر اجرت لینے میں کوئی حرج نہیں۔

حضرت قتادہ فرماتے ہیں کہ مصاحف کو خرید لو لیکن بیچو نہیں۔

حضرت عیسیٰ بن ابی عزہ فرماتے ہیں کہ حضرت شعبی نے مجھے خریدنے کا حکم دیا ہے۔

حضرت یحییٰ بن ابی کثیر فرماتے ہیں کہ میں نے حضرت ابو سلمہ سے مصاحف کی بیع کے بارے میں سوال کیا تو انہوں نے فرمایا کہ انہیں خرید لو لیکن بیچو نہیں۔