مصنف ابن ابي شيبه

حضرت علی رضی اللہ عنہ فرماتے ہیں کہ ناقص العقل کی طلاق کے علاوہ ہر طلاق درست ہے۔

ایک اور سند سے یونہی منقول ہے۔

حضرت علی رضی اللہ عنہ فرماتے ہیں کہ ناقص العقل کی طلاق کے علاوہ ہر طلاق درست ہے۔

حضرت نافع رحمہ اللہ فرماتے ہیں کہ مجبر بن عبدالرحمن رحمہ اللہ نے اپنی بیوی کو ناقص العقل ہوجانے کی حالت میں طلاق دی تو حضرت ابن عمر رضی اللہ عنہما نے ان کی بیوی کو عدت گزارنے کا حکم دیا۔ ان سے کہا گیا کہ وہ توناقص العقل ہیں۔ حضرت ابن عمر رضی اللہ عنہما نے فرمایا کہ میں نے نہیں سنا کہ اللہ تعالیٰ نے ناقص العقل یا کسی اور کی طلاق کو مستثنیٰ قرار دیا ہو۔

حضرت شعبی رحمہ اللہ فرماتے ہیں کہ ناقص العقل اور بچے کی طلاق نہیں ہوتی۔

ابراہیم رحمہ اللہ فرماتے ہیں کہ جب ناقص العقل شخص نے افاقہ کی حالت میں طلاق دی تو اس کی طلاق واقع ہوجائے گی۔

حضرت سعید بن مسیب رحمہ اللہ فرماتے ہیں کہ معتوہ کی طلاق کوئی چیز نہیں ہے۔

حضرت شریح رحمہ اللہ فرماتے ہیں کہ معتوہ کی طلاق کوئی چیز نہیں ہے۔

حضرت ضحاک رحمہ اللہ فرماتے ہیں کہ معتوہ کی طلاق کوئی چیز نہیں ہے۔

حضرت زہری رحمہ اللہ فرماتے ہیں کہ معتوہ کی طلاق کوئی چیز نہیں ہے۔

ابراہیم رحمہ اللہ فرماتے ہیں کہ معتوہ کے علاوہ ہر ایک کی طلاق جائز ہے۔

حضرت شعبی رحمہ اللہ فرماتے ہیں کہ معتوہ کی طلاق کوئی چیز نہیں ہے۔