مصنف ابن ابي شيبه

حسن رحمہ اللہ فرماتے ہیں کہ مجنون کی طلاق درست نہیں۔

حضرت شعبی رحمہ اللہ فرماتے ہیں کہ مجنون کی طلاق درست نہیں۔

حضرت عثمان رحمہ اللہ فرماتے ہیں کہ مجنون اور نشہ میں مبتلا کی طلاق درست نہیں۔

حضرت ہارون رحمہ اللہ فرماتے ہیں کہ میں نے حضرت ابن سیرین رحمہ اللہ سے مجنون کی طلاق کے بارے میں سوال کیا تو انہوں نے فرمایا کہ یہ کوئی چیز نہیں۔ سلطان اس میں غور فکرکرے گا اور گواہی طلب کرے گا کہ اس نے طلاق دی ہے اور قسم کا انتظار کرے گا۔

حضرت عمرو رحمہ اللہ فرماتے ہیں کہ حضرت جابر رحمہ اللہ سے مجنون کی طلاق کے بارے میں سوال کیا گیا تو انہوں نے فرمایا کہ یہ کوئی درست نہیں۔

حضرت زہری رحمہ اللہ فرماتے ہیں کہ مجنون کی طلاق درست نہیں، جب وہ صحیح ہوجائے تو اس کی طلاق درست ہے۔