مصنف ابن ابي شيبه

حضرت ابن عباس رضی اللہ عنہما فرماتے ہیں مقام ابطح میں رکنا ضروری نہیں ہے، بیشک یہ تو وہ مقام ہے جہاں نبی کریم صلی اللہ علیہ وآلہ وسلم رکے تھے۔

حضرت ابن عباس رضی اللہ عنہما مقام ابطح پر قیام نہ فرماتے تھے اور فرماتے تھے کہ نبی کریم صلی اللہ علیہ وآلہ وسلم تو یہاں حضرت عائشہ رضی اللہ عنہا کے انتظار کرنے کے لیے رکے تھے۔

حضرت عائشہ رضی اللہ عنہا فرماتی ہیں کہ نبی کریم صلی اللہ علیہ وآلہ وسلم مقام ابطح میں اس لیے رکے تھے کیونکہ وہ نکلنے کے لیے زیادہ مناسب جگہ تھی۔ یہاں رکنا کوئی سنت نہیں ہے۔

حضرت ابن عباس رضی اللہ عنہما سے اسی طرح مروی ہے۔

حضرت طاؤس، حضرت مجاہد اور حضرت سعید بن جبیر مقام ابطح میں قیام نہ فرماتے تھے۔

حضرت فاطمہ سے مروی ہے کہ حضرت اسمائ مقام ابطح میں قیام نہ فرماتی تھیں۔

حضرت طاؤس فرماتے ہیں، کہ سرسبزی تو آسمان سے ہوتی ہے۔

حضرت مجاہد مقام ابطح میں قیام کرنے کو ناپسند کرتے تھے۔

حضرت ہشام فرماتے ہیں کہ ان کے والد محترم مقام ابطح میں قیام نہ کرتے تھے۔