مصنف ابن ابي شيبه

حضرت ابن عباس رضی اللہ عنہما ارشاد فرماتے ہیں جب آپ کو خوف ہو کہ آپ کی نماز جنازہ قضا ہوجائے گی اور اس وقت آپ کا وضو نہ ہو تو آپ تیمم کرلو اور نماز جنازہ ادا کرلو۔

حضرت عکرمہ فرماتے ہیں جنازہ آپ کے پاس آئے اور آپ کا وضو نہ ہو تو تیمم کر کے اس کی نماز جنازہ ادا کرلو۔

ابراہیم فرماتے ہیں جب نماز جنازہ (کا وقت) آجائے اور آپ کا وضو نہ ہو تو اگر اس وقت آپ کے پاس پانی موجود ہے تو وضو کر کے نماز ادا کرلو، اور اگر پانی نہ ہو تو تیمم کر کے نماز جنازہ ادا کرلو۔

ابراہیم فرماتے ہیں جب نماز جنازہ فوت ہونے کا اندیشہ ہو تو تیمم کرلے۔

حضرت عطاء فرماتے ہیں کہ جب نماز جنازے کا فوت ہوجانے کا اندیشہ ہو تو تیمم کر کے نماز ادا کرلو۔

ابراہیم فرماتے ہیں جب آپ کو نماز جنازہ فوت ہوجانے کا اندیشہ ہو تو تیمم کرلو۔

حضرت شعبی فرماتے ہیں جب نماز جنازہ فوت ہوجانے کا خوف ہو تو تیمم کرلو۔

حضرت حکم فرماتے ہیں کہ جب آپ کو نماز جنازہ فوت ہوجانے کا اندیشہ ہو اور آپ کا وضو بھی نہ ہو تو تیمم کرلو۔

حضرت قاسم فرماتے ہیں کہ وضو کیے بغیر نماز جنازہ مت ادا کرو۔

حسن فرماتے ہیں نہ تیمم کرے اور نہ نماز جنازہ ادا کرے جب تک وضو نہ کرے۔

حسن فرماتے ہیں کہ تیمم کرے اور نماز جنازہ ادا کرے۔

حضرت عطاء سے دریافت کیا گیا ایک شخص (کا وضو نہیں ہے) اور نماز جنازہ فوت ہوجانے کا اندیشہ ہے (کیا وہ تیمم کرسکتا ہے ؟ ) آپ نے فرمایا : نہیں وہ تیمم نہ کرے۔