المعجم الكبير للطبراني

…حماد بن زید کے واسطے سے، ایوب سے، وہ حمید بن ہلال سے، وہ ہصان بن کاہل سے بیان کرتے ہیں کہ میں نے عبدالرحمٰن بن سمرہ رضی اللہ عنہ کو بیان کرتے سنا، وہ سیدنا معاذ رضی اللہ عنہ سے، وہ رسول اللہ ﷺ سے روایت کرتے ہیں کہ آپ ﷺ نے فرمایا: ”جو بندہ اس بات کی گواہی دیتے ہوئے مرے کہ اللہ کے سوا کوئی سچا معبود نہیں اور یہ کہ میں اللہ کا رسول ہوں، اور یہ گواہی یقین رکھنے والے دل سے ہو، تو وہ جنت میں داخل ہو گا۔“ ان سے پوچھا گیا: کیا آپ نے یہ (حدیث) معاذ رضی اللہ عنہ سے سنی ہے؟ انہوں نے کہا: میں نے یہ معاذ رضی اللہ عنہ سے سنی، وہ اسے رسول اللہ ﷺ سے بیان کرتے تھے۔

…وہ بیان کرتے ہیں: میں بصرہ کی جامع مسجد میں داخل ہوا تو ایک سفید سر و داڑھی والے بزرگ کے پاس بیٹھ گیا، انہوں نے کہا: مجھ سے معاذ بن جبل رضی اللہ عنہ نے رسول اللہ ﷺ سے بیان کیا کہ آپ ﷺ نے فرمایا: ”جو نفس بھی اس حال میں مرے کہ وہ اس بات کی گواہی دے رہا ہو کہ اللہ کے سوا کوئی سچا معبود نہیں اور یہ کہ میں اللہ کا رسول ہوں، اور یہ گواہی مومن دل سے ہو، تو اللہ اسے بخش دے گا۔“ میں نے پوچھا: کیا آپ نے یہ خود معاذ بن جبل رضی اللہ عنہ سے سنی ہے؟ تو گویا لوگوں نے انہیں سختی سے ٹوکا، انہوں (بزرگ) نے کہا: انہیں مت ٹوکو، اور نہ ملامت کرو، اور انہیں چھوڑ دو، میں نے یہ (حدیث) خود معاذ بن جبل رضی اللہ عنہ سے سنی ہے، وہ اسے رسول اللہ ﷺ سے روایت کرتے تھے۔ راوی کہتے ہیں: میں نے لوگوں سے پوچھا: یہ کون ہیں؟ انہوں نے بتایا: یہ عبدالرحمٰن بن سمرہ رضی اللہ عنہ ہیں۔

سیدنا عبدالرحمٰن بن سمرہ رضی اللہ عنہ سیدنا معاذ بن جبل رضی اللہ عنہ کے واسطے سے نبی کریم ﷺ سے اسی جیسی حدیث بیان کرتے ہیں۔

عبداللہ بن احمد بن حنبل بیان کرتے ہیں کہ مجھ سے میرے والد نے بیان کیا، وہ عبدالاعلیٰ بن عبدالاعلیٰ سے، وہ یونس بن عبید سے، وہ حمید بن ہلال سے، وہ ہصان بن کاہل سے روایت کرتے ہیں - اور ان کے والد جاہلیت میں کاہن تھے - وہ بیان کرتے ہیں: میں سیدنا عثمان رضی اللہ عنہ کی خلافت کے زمانے میں مسجد میں داخل ہوا تو دیکھا کہ ایک سفید سر و داڑھی والے بزرگ سیدنا معاذ بن جبل رضی اللہ عنہ کے واسطے سے رسول اللہ ﷺ سے حدیث بیان کر رہے ہیں، تو انہوں نے اسی جیسی حدیث بیان کی۔