مجمع الزوائد ومنبع الفوائد

سعید مقبری بیان کرتے ہیں : میں سیدنا عبداللہ بن عمر رضی اللہ عنہما کے پاس آ کر بیٹھا ، ان کے ساتھ ایک شخص بات چیت کر رہا تھا ، میں ان دونوں کے درمیان آ کر بیٹھ گیا ، تو انہوں نے اپنا ہاتھ میرے سینے پر مارا اور فرمایا : کیا تم یہ بات نہیں جانتے ہو کہ نبی اکرم صلی اللہ علیہ وسلم نے ارشاد فرمایا ہے : ” جب دو آدمی آپس میں بات چیت کر رہے ہوں ، تو تم ان دونوں سے اجازت لیے بغیر ان کے پاس نہ بیٹھو ۔ “

ایک روایت میں یہ الفاظ ہیں : میں نے سیدنا عبداللہ بن عمر رضی اللہ عنہما کو ایک شخص کے ساتھ سرگوشی میں بات چیت کرتے ہوئے دیکھا ، ایک شخص ان دونوں کے درمیان داخل ہوا ۔ ۔ ۔ ۔ ۔ ۔ اس کے بعد راوی نے حسب سابق روایت ذکر کی ہے ۔
یہ روایت امام أحمد نے نقل کی ہے ۔ اس کی سند میں ایک راوی عبداللہ بن سعید مقبری ہے ، اور وہ ضعیف ہے ۔