مجمع الزوائد ومنبع الفوائد

سیدنا غرفہ بن حارث رضی اللہ عنہ جنہیں صحابی ہونے کا شرف حاصل ہے اور انہوں نے یمن میں سیدنا عکرمہ بن ابوجہل رضی اللہ عنہ کے ساتھ مرتدین کے ساتھ جنگ کی تھی ان کا گزر اہل مصر کے ایک عیسائی مشخص کے پاس سے ہوا جس کا نام مندقون تھا ۔ انہوں نے اسے اسلام کی دعوت دی عیسائی نے نبی اکرم صلی اللہ علیہ وسلم کا ذکر کیا اور آپ کی شان میں گستاخی کی یہ معاملہ سیدنا عمرو بن العاص رضی اللہ عنہ کے سامنے پیش کیا گیا انہوں نے سیدنا غرفہ رضی اللہ عنہ کو بلوایا تو انہوں نے کہا: ہم نے انہیں عہد دیا ہے سیدنا غرفہ رضی اللہ عنہ نے کہا: اس بات سے اللہ کی پناہ ہے کہ ہم انہیں اس بات کا عہد دیں اور اس بات کا میثاق کریں کہ یہ لوگ اللہ اور اس کے رسول کے حوالے سے ہمیں اذیت دیں ہم نے انہیں یہ عہد اس لئے دیا تھا کہ ہم انہیں اپنی عبادت گاہوں کے درمیان چھوڑ دیں گے وہ اپنی عبادت گاہوں میں جو چاہیں پڑھیں اور ہم انہیں کسی ایسی چیز کا پابند نہیں کریں گے جن کی ان میں طاقت نہ ہو اور ہم ان کی خاطر جنگ بھی کریں گے اور ان کے احکام کے حوالے سے انہیں ان کے حال پر چھوڑ دیں گے لیکن جب یہ ہمارے پاس آئیں گے تو ہم ان کے درمیان اس چیز کے مطابق فیصلہ دیں گے ، جو اللہ تعالیٰ نے نازل کی ہے ، تو سیدنا عمرو رضی اللہ عنہ نے فرمایا : آپ نے ٹھیک کہا: ہے ۔
یہ روایت امام طبرانی نے نقل کی ہے ۔ اس کی سند میں ایک راوی عبداللہ بن صالح ہے ، جو لیث کا کاتب ہے عبدالملک بن سعید کہتے ہیں : یہ ثقہ اور مامون ہے ایک جماعت نے اسے ضعیف قرار دیا ہے ۔ اس روایت کے بقیہ رجال ثقہ ہیں ۔

سیدنا عوف بن مالک رضی اللہ عنہ بیان کرتے ہیں : انہوں نے ایک عیسائی کو دیکھا ، جو ایک عورت کو پکڑ کر لے جا رہا تھا ، اس نے اس عورت کو مارا ، تو وہ مر گئی ، اس شخص نے اس عورت کے ٹکڑے کر دیئے ، میں نے اسے اپنے پاس موجود لکڑی ماری ، تو اس کا خون نکل آیا ، میں سیدنا معاذ بن جبل رضی اللہ عنہ کے پاس گیا میں نے کہا: آپ عمرو کے حوالے سے مجھے پناہ دیں ، مجھے ان کی طرف سے جلد بازی کا اندیشہ ہے ، پھر وہ سیدنا عمرو رضی اللہ عنہ کے پاس آئے ، اور انہیں اس بارے میں بتایا ، انہوں نے ہمیں اکٹھا کیا ، وہ مسلسل عیسائی سے تفتیش کرتے رہے ، یہاں تک کہ اس نے اعتراف کر لیا انہوں نے اس کے بارے میں لکڑی کا حکم دیا ، اُسے تیار کیا گیا پھر انہوں نے فرمایا : ان لوگوں کے ساتھ عہد ہے ، تو جب تک یہ تمہارے ساتھ عہد پورا کرتے ہیں ، تم بھی ان کے ساتھ عہد پورا کرو ، لیکن جب یہ خلاف ورزی کر لیں گے ، تو پھر ان کے لئے عہد نہیں ہو گا ، پھر ان کے حکم تحت اس شخص کو پھانسی دے دی گئی ۔
یہ روایت امام طبرانی نے نقل کی ہے اور اس کے رجال صحیح کے رجال ہیں ۔