مجمع الزوائد ومنبع الفوائد

سیدنا انس بن مالک رضی اللہ عنہ نبی اکرم صلی اللہ علیہ وسلم کا یہ فرمان نقل کرتے ہیں : ” جنگ دھوکہ ہے “ ۔
یہ روایت امام أحمد نے دو اسناد کے ساتھ نقل کی ہے جن میں سے ایک عمرو بن جابر ہے جسے امام ابوحاتم نے ثقہ قرار دیا ہے بعض حضرات نے اس کی نسبت جھوٹ کی طرف کی ہے ۔

سیدنا عبداللہ بن سلام رضی اللہ عنہ نبی اکرم صلی اللہ علیہ وسلم کا یہ فرمان نقل کرتے ہیں : ” جنگ دھوکہ ہے “ ۔
یہ روایت امام ابویعلیٰ نے نقل کی ہے ۔ اس کی سند میں ایک راوی ہشام بن زیاد ہے اور وہ متروک ہے ۔

مسیب بن نجبہ بیان کرتے ہیں : میں سیدنا امام حسن بن علی رضی اللہ عنہ کی خدمت میں حاضر ہوا تو انہوں نے بتایا نبی اکرم صلی اللہ علیہ وسلم نے ارشاد فرمایا ہے : ” جنگ ایک دھوکہ ہے “ ۔
یہ روایت امام ابویعلیٰ نے نقل کی ہے ۔ اس کی سند میں ایک راوی حکیم بن جبیر ہے اور وہ متروک ہے جمہور نے اسے ضعیف قرار دیا ہے ابوحاتم کہتے ہیں : اس کا محل صدق ہو گا اگر اللہ نے چاہا ۔

سیدنا امام حسین بن علی رضی اللہ عنہ نبی اکرم صلی اللہ علیہ وسلم کا یہ فرمان نقل کرتے ہیں : ” جنگ دھوکہ ہے “ ۔
یہ روایت امام بزار نے نقل کی ہے ۔ اس کی سند میں ایک راوی حکیم بن جبیر ہے اور وہ متروک ہے ۔

سیدنا عبداللہ بن عمر رضی اللہ عنہما نبی اکرم صلی اللہ علیہ وسلم کا یہ فرمان نقل کرتے ہیں : ” جنگ دھوکہ ہے “ ۔
یہ روایت امام بزار نے نقل کی ہے ۔ اس کی سند میں ایک راوی محمد بن عبدالرحمن بن بیلمانی ہے اور وہ ضعیف ہے ۔

سیدنا نبیط بن شریط رضی اللہ عنہ روایت کرتے ہیں : نبی اکرم صلی اللہ علیہ وسلم نے ارشاد فرمایا : ” جنگ دھوکہ ہے “ ۔
یہ روایت امام طبرانی نے معجم اوسط میں نقل کی ہے اور اس کی سند میں ایسا راوی ہے جس سے میں واقف نہیں ہوں ۔

سیدنا زید بن ثابت رضی اللہ عنہ نبی اکرم صلی اللہ علیہ وسلم کا یہ فرمان نقل کرتے ہیں : ” جنگ دھوکہ ہے “ ۔
یہ روایت امام طبرانی نے نقل کی ہے ۔ اس کی سند میں ایک راوی فضالہ بن مفضل ہے اور وہ ضعیف ہے ۔

سیدنا عبداللہ بن عباس رضی اللہ عنہما بیان کرتے ہیں : نبی اکرم صلی اللہ علیہ وسلم نے اپنے اصحاب میں سے ایک شخص کو یہودیوں کے ایک فرد کو قتل کرنے کے لئے بھیجا انہوں نے عرض کی : یا رسول اللہ ! آپ مجھے اجازت دیجئے کہ میں کوئی ( خلاف واقعہ بات ) کہہ دوں ، تو نبی اکرم صلی اللہ علیہ وسلم نے فرمایا : تمہیں ، جو مناسب لگے کہ دینا ، کیونکہ جنگ دھوکہ ہے ۔ ( علامہ ہیثمی فرماتے ہیں : ) میں یہ کہتا ہوں : امام ابن ماجہ نے اس میں سے صرف یہ الفاظ نقل کیے ہیں : ” جنگ دھوکہ ہے “ ۔
یہ روایت امام طبرانی نے نقل کی ہے ۔ اس کی سند میں ایک راوی مطر بن میمون ہے اور وہ ضعیف ہے ۔

سیدنا عوف بن مالک رضی اللہ عنہ نبی اکرم صلی اللہ علیہ وسلم کا یہ فرمان نقل کرتے ہیں : ” جنگ دھوکہ ہے “ ۔
یہ روایت امام طبرانی نے نقل کی ہے ۔ اس کی سند میں ایک راوی عبداللہ بن عمرو واقعی ہے اور وہ ضعیف ہے ۔

سیدنا نواس بن سمعان رضی اللہ عنہ نبی اکرم صلی اللہ علیہ وسلم کا یہ فرمان نقل کرتے ہیں : ” جنگ دھوکہ ہے “ ۔
یہ روایت امام طبرانی نے نقل کی ہے ۔ اس کی سند میں ایک راوی سلیمان بن داؤد شاذ کونی ہے اور وہ ضعیف ہے ۔