مجمع الزوائد ومنبع الفوائد

سیدنا عبداللہ بن عباس رضی اللہ عنہما بیان کرتے ہیں : نبی اکرم صلی اللہ علیہ وسلم نے ملاقیح ( یعنی جو بچہ ابھی نر جانور کی پشت میں ہے ) مضامین ( یعنی جو بچہ ابھی مادہ جانور کے پیٹ میں ہے ) اور حبل الحبلہ ( حمل کے حمل ) کی بیع سے منع کیا ہے ۔
یہ روایت امام طبرانی نے معجم کبیر میں نقل کی ہے اور امام بزار نے نقل کی ہے اس کی سند میں ایک راوی ابراہیم بن اسماعیل بن ابوحبیبہ ہے ۔ امام أحمد نے اسے ثقہ قرار دیا ہے اور جمہور ائمہ نے اسے ضعیف کہا: ہے ۔

سیدنا ابوہریرہ رضی اللہ عنہ روایت کرتے ہیں : نبی اکرم صلی اللہ علیہ وسلم نے ملاقیح ( یعنی جو بچہ ابھی نر جانور کی پشت میں ہے ) اور مضامین ( یعنی جو بچہ ابھی مادہ جانور کے پیٹ میں ہے ، اُس ) کی بیع سے منع کیا ہے ۔
یہ روایت امام بزار نے نقل کی ہے اس کی سند میں ایک راوی صالح بن ابواخضر ہے اور وہ ضعیف ہے ۔

سیدنا عبید بن نضلہ خزاعی رضی اللہ عنہ بیان کرتے ہیں : نبی اکرم صلی اللہ علیہ وسلم کے زمانہ اقدس میں لوگوں کو شدید بھوک لاحق ہو گئی راوی بیان کرتے ہیں : ایک شخص نے اپنے اونٹ کے گوشت کے دس حصے کیے اور پھر اس نے کہا: جو شخص چاہے وہ اس گوشت کا دسواں حصہ اس اونٹنی کے عوض میں حاصل کر لے ، جو اس کے حاملہ جانور کے ہاں پیدا ہو گی ، راوی بیان کرتے ہیں : لوگوں نے اس طرح گوشت لے لیا جب نبی اکرم صلی اللہ علیہ وسلم کو اس بات کی اطلاع ملی تو آپ نے ارشاد فرمایا : اسے ختم کیا جائے تو وہ سودا کالعدم قرار دیا گیا ۔
یہ روایت امام طبرانی نے معجم کبیر میں نقل کی ہے اور
یہ روایت ” مرسل “ ہے اور اس کے رجال صحیح کے رجال ہیں ۔

سیدنا عبید بن نضلہ رضی اللہ عنہ بیان کرتے ہیں : نبی اکرم صلی اللہ علیہ وسلم نے حمل کے حمل ( کی بیع ) سے منع کیا ہے ، آپ نے ارشاد فرمایا ہے : ( یا راوی کہتے ہیں : ) اس پر جو اونٹنی کے پیٹ میں موجود ہے ۔
یہ روایت امام طبرانی نے معجم کبیر میں نقل کی ہے اور
یہ روایت ” مرسل “ ہے اور اس کے رجال صحیح کے رجال ہیں ۔