مجمع الزوائد ومنبع الفوائد

سیدنا معاویہ بن حیده رضی اللہ عنہ نبی اکرم صلی اللہ علیہ وسلم کا یہ فرمان نقل کرتے ہیں : ” اللہ تعالیٰ کی طرف سے یہ حکم ہے اس کے رسول کی طرف سے نہیں ہے کہ اللہ تعالیٰ نے بیری کے درخت کو کاٹنے والے پر لعنت کی ہے “ ۔
یہ روایت امام طبرانی نے معجم کبیر میں نقل کی ہے اس کی سند میں ایک راوی یحیی بن حارث ہے عقیلی بیان کرتے ہیں : اس کی نقل کردہ حدیث صحیح نہیں ہے راوی بیان کرتے ہیں : ان کی مراد یہ والی حدیث ہے ۔

سیدنا عمرو بن اوس رضی اللہ عنہ بیان کرتے ہیں : میں نے نبی اکرم صلی اللہ علیہ وسلم کو یہ ارشاد فرماتے ہوئے سنا ہے ” جو شخص بیری کا درخت کاٹتا ہے البتہ جو زراعت میں سے ہو اس کا معاملہ مختلف ہے ، تو اللہ تعالی اس شخص کے لئے جہنم میں گھر بنا دیتا ہے “ ۔
یہ روایت امام طبرانی نے معجم کبیر میں نقل کی ہے اس کی سند میں ایک راوی حسن بن عنبسہ ہے ، جسے ابن قانع نے ضعیف قرار دیا ہے ۔

سیدنا عبداللہ بن حبشی رضی اللہ عنہ روایت کرتے ہیں : نبی اکرم صلی اللہ علیہ وسلم نے ارشاد فرمایا : ” جو شخص بیری کا درخت کاٹتا ہے اللہ تعالیٰ اس کے سر کو جہنم میں ڈال دے گا“ راوی بیان کرتے ہیں : نبی اکرم صلی اللہ علیہ وسلم کی مراد حرم کا بیری کا درخت تھی ۔ ( علامہ ہیثمی فرماتے ہیں : ) میں یہ کہتا ہوں : امام ابوداؤد نے
یہ روایت نقل کی ہے تاہم انہوں نے یہ الفاظ نقل نہیں کیے ہیں : ” اس سے مراد حرم کا بیری کا درخت ہے “ ۔
یہ روایت امام طبرانی نے معجم اوسط میں نقل کی ہے اور اس کے رجال ثقہ ہیں اس بارے میں بقیہ احادیث ادب سے متعلق کتاب میں آئیں گی ۔