مجمع الزوائد ومنبع الفوائد

سیدہ عائشہ صدیقہ رضی اللہ عنہا فرماتی ہیں : مجھے اس شخص پر حیرانگی ہوتی ہے ، جو کوا کھا لیتا ہے ، حالانکہ نبی اکرم صلی اللہ علیہ وسلم نے اسے مار دینے کی اجازت دی ہے اور اسے فاسق کا نام دیا ہے ، اللہ کی قسم ! یہ پاکیزہ چیزوں میں سے نہیں ہے ۔
یہ روایت امام بزار نے نقل کی ہے اور اس کے رجال ثقہ ہیں ۔

سیدنا عبداللہ بن زبیر رضی اللہ عنہما فرماتے ہیں : کوا کون کھائے گا ؟ جبکہ نبی اکرم صلی اللہ علیہ وسلم نے اسے فاسق قرار دیا ہے ۔
یہ روایت امام طبرانی نے معجم کبیر میں نقل کی ہے اور اس کی سند میں ایک راوی ایسا ہے ، جس سے میں واقف نہیں ہوں ۔