مجمع الزوائد ومنبع الفوائد

سیدنا سفیان بن عطیہ بن ربیعہ ثقفی رضی اللہ عنہ بیان کرتے ہیں : ثقیف قبیلے سے تعلق رکھنے والا ہمارا وفد نبی اکرم صلی اللہ علیہ وسلم کی خدمت میں حاضر ہوا رمضان کا نصف مہینہ گزر جانے کے بعد ان لوگوں نے اسلام قبول کر لیا تو نبی اکرم صلی اللہ علیہ وسلم نے انہیں حکم دیا انہوں نے روزہ رکھا اور نئے سرے سے شروع کیا جو روزے رہ گئے تھے ۔ نبی اکرم صلی اللہ علیہ وسلم نے ان کی قضاء کا ان لوگوں کو حکم نہیں دیا ۔
یہ روایت امام طبرانی نے معجم کبیر میں نقل کی ہے ۔ اس کی سند میں ایک راوی ابن اسحاق ہے ، اور وہ ثقہ ہے ، تاہم وہ تدلیس کرنے والا ہے ۔

عطیہ بن سفیان نے سیدنا عبداللہ رضی اللہ عنہ کا یہ بیان نقل کیا ہے : ثقیف قبیلے کا وفد نبی اکرم صلی اللہ علیہ وسلم کی خدمت میں حاضر ہوا نبی اکرم صلی اللہ علیہ وسلم نے ان کے لئے مسجد میں خیمہ لگوایا جب انہوں نے اسلام قبول کر لیا تو انہوں نے نبی اکرم صلی اللہ علیہ وسلم کے ساتھ روزے رکھے ۔
یہ روایت امام طبرانی نے معجم کبیر میں نقل کی ہے ۔ اس کی سند میں ایک راوی ابن اسحاق ہے ، اور وہ ثقہ ہے ، لیکن وہ تدلیس کرنے والا ہے ۔