مجمع الزوائد ومنبع الفوائد

سیدنا رافع بن خدیج رضی اللہ عنہ بیان کرتے ہیں : میں نے نبی اکرم صلی اللہ علیہ وسلم کے دست مبارک میں دھاگا ( بندھا ہوا ) دیکھا تو دریافت کیا : یہ کس لیے ہے ؟ آپ صلی اللہ علیہ وسلم نے فرمایا : اس کے ذریعے میں یاد رکھتا ہوں ۔
یہ روایت امام طبرانی نے معجم کبیر میں نقل کی ہے ، اس کی سند میں ایک راوی غیاث بن ابراہیم ہے اور وہ انتہائی ضعیف ہے ۔

سیدنا رافع بن خدیج رضی اللہ عنہ بیان کرتے ہیں : نبی اکرم صلی اللہ علیہ وسلم اپنی انگوٹھی میں دھاگا باندھ لیتے تھے ، تاکہ اُس کے حوالے سے کوئی چیز یاد رکھیں ۔
یہ روایت امام طبرانی نے معجم کبیر میں نقل کی ہے ، اس کی سند میں یہ مذکور ہے : بقیہ نے ابوعبدالرحمن کے حوالے سے یہ روایت نقل کی ہے ، امام بخاری رحمہ اللہ فرماتے ہیں : غیاث بن ابراہیم جو ایک ضعیف راوی ہے ، اُس کی کنیت ابوعبدالرحمن ہے ، بقیہ نے اُس سے روایت نقل کی ہے ۔