مجمع الزوائد ومنبع الفوائد

قرہ بیان کرتے ہیں : نبی اکرم صلی اللہ علیہ وسلم جب تشریف فرما ہوتے تھے ، تو آپ صلی اللہ علیہ وسلم کے ساتھی آپ صلی اللہ علیہ وسلم کے اردگرد حلقہ بنا کے بیٹھتے تھے ۔
یہ روایت امام بزار نے نقل کی ہے اس کی سند میں ایک راوی سعید بن سلام ہے ، جسے امام أحمد نے کذاب قرار دیا ہے ۔

یزید رقاشی بیان کرتے ہیں : سیدنا انس رضی اللہ عنہ جب ہمیں یہ حدیث بیان کرتے تھے ، تو اُس کے ساتھ یہ بھی فرمایا کرتے تھے : اللہ کی قسم ! نبی اکرم صلی اللہ علیہ وسلم اس طرح نہیں کیا کرتے تھے ، جس طرح تم اور تمہارے ساتھی کرتے ہو ۔ سیدنا انس رضی اللہ عنہ کی مراد یہ تھی کہ تم لوگ یہ کرتے ہو کہ ایک شخص بیٹھ جاتا ہے ، لوگ اُس کے اردگرد اکٹھے ہو جاتے ہیں ، اور وہ خطبہ دیتا ہے ( یعنی وہ تقریر کرتا ہے ) صحابہ کرام کا یہ معمول تھا کہ وہ لوگ صبح کی نماز ادا کر لینے کے بعد حلقہ بنا کر بیٹھ جاتے تھے ، وہ قرآن پڑھتے تھے ، فرائض اور سنتیں سیکھتے تھے ۔ یزید رقاشی نامی راوی ضعیف ہے ۔