مجمع الزوائد ومنبع الفوائد

سیدنا عبداللہ بن مسعود رضی اللہ عنہ روایت کرتے ہیں : نبی اکرم صلی اللہ علیہ وسلم نے ارشاد فرمایا ہے : ” علم حاصل کرنا ، ہر مسلمان پر فرض ہے “ ۔
یہ روایت امام طبرانی نے معجم کبیر اور معجم اوسط میں نقل کی ہے ، اس کی سند میں یہ مذکور ہے : اسے عثمان بن عبدالرحن قرشی نے ، حماد بن ابوسلیمان سے نقل کیا ہے ، عثمان نامی اس راوی کے بارے میں امام بخاری رحمہ اللہ نے یہ کہا: ہے : یہ مجہول ہے اور امام بخاری رحمہ اللہ ، حماد سے منقول روایت قبول نہیں کرتے ہیں ، البتہ اُن روایات کا معاملہ مختلف ہے ، جو قدماء نے اُن سے روایت کی ہوں ، جیسے شعبہ ، سفیان ثوری ، دستوائی ، اُن کے علاوہ باقی لوگوں نے اُن سے اختلاط کا شکار ہو جانے کے بعد روایات نقل کی ہیں ۔

سیدنا ابوسعید خدری رضی اللہ عنہ روایت کرتے ہیں : نبی اکرم صلی اللہ علیہ وسلم نے ارشاد فرمایا ہے : ” علم حاصل کرنا ، ہر مسلمان پر فرض ہے “ ۔
یہ روایت امام طبرانی نے معجم اوسط میں نقل کی ہے ، اس کی سند میں ایک راوی یحیی بن ہاشم سمسار

سیدنا عبداللہ بن عباس رضی اللہ عنہما نبی اکرم صلی اللہ علیہ وسلم کا یہ فرمان نقل کرتے ہیں : ” علم حاصل کرنا ، ہر مسلمان پر فرض ہے “ ۔
یہ روایت امام طبرانی نے معجم اوسط میں نقل کی ہے ، اس کی سند میں ایک راوی عبداللہ بن عبدالعزیز بن ابورواد ہے ، جو انتہائی ضعیف ہے ۔

سیدنا امام حسین بن علی رضی اللہ عنہما روایت کرتے ہیں : نبی اکرم صلی اللہ علیہ وسلم نے ارشاد فرمایا ہے : ” علم حاصل کرنا ، ہر مسلمان پر فرض ہے “ ۔
یہ روایت امام طبرانی نے معجم صغیر میں نقل کی ہے اور اس کی سند میں ایک راوی عبدالعزیز بن ابوثابت ہے ، جو انتہائی

سیدنا واثلہ رضی اللہ عنہ بیان کرتے ہیں : اللہ کے رسول نے ہمیں یہ حکم دیا تھا کہ ہم دین کی سمجھ بوجھ ( یعنی دین کی تعلیم ) حاصل کریں ۔
یہ روایت امام طبرانی نے معجم کبیر میں نقل کی ہے اور اس کی سند میں ایک راوی بکار بن تمیم ہے اور وہ مجہول ہے۔