مجمع الزوائد ومنبع الفوائد

سیدنا عبداللہ بن عمرو رضی اللہ عنہ نبی اکرم صلی اللہ علیہ وسلم کا یہ فرمان نقل کرتے ہیں : ” تھوڑا علم ، زیادہ عبادت سے بہتر ہے ، آدمی کے سمجھدار ( یا عالم ) ہونے کے لیے اتنا ہی کافی ہے کہ وہ اللہ کی عبادت کرے اور آدمی کے جاہل ہونے کے لیے اتنا ہی کافی ہے کہ وہ اپنی رائے کے حوالے سے خود پسندی کا شکار ہو ، تم لوگ مؤمن کو اذیت نہ پہنچاؤ اور جاہل کے ساتھ نہ رہو “ ۔
یہ روایت امام طبرانی نے معجم اوسط اور معجم کبیر میں نقل کی ہے ، اس کی سند میں ایک راوی اسحاق بن اسید ہے ، امام ابوحاتم فرماتے ہیں : اس کے ساتھ مشغول نہیں ہوا جائے گا ۔

سیدنا حذیفہ بن یمان رضی اللہ عنہ بیان کرتے ہیں : نبی اکرم صلی اللہ علیہ وسلم نے مجھ سے فرمایا : ” علم کی فضیلت ، عبادت کی فضیلت سے بہتر ہے ، اور تمہارے دین ( یعنی اعمال ) میں سب سے بہتر چیز ، پرہیز گاری ہے “ ۔
یہ روایت امام طبرانی نے معجم اوسط میں ، اور امام بزار نے نقل کی ہے ، اس کی سند میں ایک راوی عبداللہ بن عبدالقدوس ہے ، جسے امام بخاری رحمہ اللہ اور ابن حبان نے ثقہ قرار دیا ہے ، جب کہ یحییٰ بن معین اور ایک جماعت نے اسے ضعیف کہا: ہے ۔

سیدنا عبداللہ بن عمر رضی اللہ عنہما روایت کرتے ہیں : نبی اکرم صلی اللہ علیہ وسلم نے ارشاد فرمایا ہے : ” سب سے زیادہ فضیلت والی عبادت ( دینی احکام کی ) سمجھ بوجھ ( یعنی ان کا علم ) حاصل کرنا ہے ، اور سب سے زیادہ فضیلت والا دین ( یعنی عمل ) پرہیز گاری ہے ۔ “
یہ روایت امام طبرانی نے تینوں کتابوں میں نقل کی ہے ، اس کی سند میں ایک راوی محمد بن ابولیلی ہے ، جس کے حافظے کی وجہ سے علماء نے اسے ضعیف قرار دیا ہے ۔

سیدنا عبداللہ بن عباس رضی اللہ عنہما روایت کرتے ہیں : نبی اکرم صلی اللہ علیہ وسلم نے ارشاد فرمایا ہے : ” علم کی فضیلت ، عبادت سے زیادہ ہے ، اور دین کا مجموعہ پرہیز گاری ہے “ ۔
یہ روایت امام طبرانی نے معجم کبیر میں نقل کی ہے ، اس کی سند میں ایک راوی سوار بن مصعب ہے ، جو انتہائی ضعیف ہے ۔

سیدنا عبدالرحمن بن عوف رضی اللہ عنہ روایت کرتے ہیں : نبی اکرم صلی اللہ علیہ وسلم نے ارشاد فرمایا ہے : ” ( دین کے احکام ) کی تھوڑی سی سمجھ بوجھ ( یعنی اُن کا علم حاصل کرنا ) زیادہ عبادت سے بہتر ہے ، اور تمہارے اعمال میں زیادہ بہتر وہ ہے ، جو زیادہ آسان ہو “ ۔
یہ روایت امام طبرانی نے معجم کبیر میں نقل کی ہے ، اس کی سند میں ایک راوی خارجہ بن مصعب ہے اور وہ انتہائی ضعیف ہے ۔

سیدنا علی بن ابوطالب رضی اللہ عنہ روایت کرتے ہیں : نبی اکرم صلی اللہ علیہ وسلم نے ارشاد فرمایا ہے : جب بھی کسی ایک چیز کو ، دوسری کے ساتھ جمع کیا گیا ہو ، تو ان میں کوئی بھی چیز ، اس سے زیادہ فضیلت نہیں رکھتی کہ علم کو بردباری کے ساتھ جمع کر دیا گیا ہو “ ۔
یہ روایت امام طبرانی نے معجم اوسط اور معجم صغیر میں نقل کی ہے ، انہوں نے اسے حفص بن بشر کی حسن بن حسین بن یزید علوی کے حوالے سے ، اُن کے والد سے نقل کردہ روایت کے طور پر نقل کیا ہے ، ( علامہ ہیثمی فرماتے ہیں : ) میں نے کسی کو ان میں سے کسی ایک کا ذکر کرتے ہوئے نہیں دیکھا ہے ۔

سیدنا عمر بن خطاب رضی اللہ عنہ روایت کرتے ہیں : نبی اکرم صلی اللہ علیہ وسلم نے ارشاد فرمایا ہے : ” کسی حاصل کرنے والے نے ، علم کی فضیلت جیسی کوئی چیز حاصل نہیں کی ، علم اپنے ساتھی ( یعنی صاحب علم شخص ) کو ہدایت کی طرف لے جاتا ہے ، یا اُسے خراب چیز سے ہٹا دیتا ہے ، اور آدمی کا دین اس وقت تک ٹھیک نہیں ہوتا ، جب تک اُس کا عمل ٹھیک نہیں ہوتا ہے ۔ “
یہ روایت امام طبرانی نے معجم صغیر اور معجم اوسط میں نقل کی ہے ، تاہم انہوں نے اس میں ” عمل “ کی جگہ ” عقل “ کا لفظ نقل کیا ہے ، اس کی سند میں ایک راوی عبدالرحمن بن زید بن اسلم ہے ا