حدیث نمبر: 167
وَحَدَّثَنَا سُفْيَانُ بْنُ عُيَيْنَةَ ، عَنِ الزُّهْرِيِّ ، عَنْ أَبِي عُبَيْدٍ ، مَوْلَى ابْنِ أَزْهَرَ سَمِعَهُ يَقُولُ : شَهِدْتُ الْعِيدَ مَعَ عُمَرَ بْنِ الْخَطَّابِ رَضِيَ اللَّهُ عَنْهُ فَبَدَأَ بِالصَّلاةِ قَبْلَ الْخُطْبَةِ وَقَالَ : إِنَّ رَسُولَ اللَّهِ صَلَّى اللَّهُ عَلَيْهِ وَسَلَّمَ " نَهَى عَنْ صِيَامِ هَذَيْنِ الْيَوْمَيْنِ يَوْمِ الْفِطْرِ وَيَوْمِ الأَضْحَى فَأَمَّا يَوْمُ الْفِطْرِ ، فَيَوْمُ فِطْرِكُمْ مِنْ صِيَامِكُمْ وَأَمَّا يَوْمُ الأَضْحَى فَكُلُوا فِيهِ مِنْ لَحْمِ نُسُكِكُمْ " .
نوید مجید طیب
ابوعبید مولی ابن ازہر رحمہ اللہ بیان کرتے ہیں کہ وہ سیدنا عمر بن خطاب رضی اللہ عنہ کے ساتھ نماز عید میں شریک ہوئے تو انہوں نے پہلے نماز پڑھائی پھر خطبہ دیا اور فرمایا : ”بے شک رسول اللہ ﷺ نے ان دو ایام عید الفطر اور عید الاضحیٰ میں روزہ رکھنے سے منع کیا ہے۔ یوم فطر روزوں سے افطاری کا دن ہے اور یوم الاضحیٰ میں اپنی قربانی کا گوشت کھاؤ۔“
حدیث نمبر: 168
أَنْبَأَنَا مُحَمَّدُ بْنُ إِسْمَاعِيلَ ، عَنِ ابْنِ أَبِي ذِئْبٍ , عَنْ سَعِيدِ بْنِ خَالِدٍ الْقَارِظِيِّ ، عَنْ أَبِي عُبَيْدٍ ، مَوْلَى ابْنِ أَزْهَرَ قَالَ : رَأَيْتُ عَلِيًّا ، وَعُثْمَانَ رَضِيَ اللَّهُ عَنْهُمَا يُصَلِّيَانِ الْفِطْرَ وَالأَضْحَى ، ثُمَّ يَنْصَرِفَانِ فَيُذَكِّرَانِ النَّاسَ ، وَسَمِعْتُهُمْ يَقُولانِ : نَهَى رَسُولُ اللَّهِ صَلَّى اللَّهُ عَلَيْهِ وَسَلَّمَ عَنْ صِيَامِ هَذَيْنِ الْيَوْمَيْنِ " .
نوید مجید طیب
ابو عبیدہ مولی ابن ازہر رحمہ اللہ سے روایت ہے کہ میں نے سیدنا علی رضی اللہ عنہ اور سیدنا عثمان رضی اللہ عنہ کو عید الفطر اور عید الاضحیٰ کی نماز پڑھتے دیکھا نماز کے بعد لوگوں کو نصیحت فرماتے اور میں نے انہیں کہتے سنا کہ رسول اللہ ﷺ نے ان دو ایام میں روزہ رکھنے سے منع کیا ہے۔
حدیث نمبر: 169
أَنْبَأَنَا مَالِكُ بْنُ أَنَسٍ , عَنْ مُحَمَّدِ بْنِ يَحْيَى بْنِ حَبَّانَ ، عَنِ الأَعْرَجِ ، عَنْ أَبِي هُرَيْرَةَ رَضِيَ اللَّهُ عَنْهُ ، " أَنّ رَسُولَ اللَّهِ صَلَّى اللَّهُ عَلَيْهِ وَسَلَّمَ نَهَى عَنْ صِيَامِ يَوْمَيْنِ يَوْمِ الأَضْحَى وَيَوْمِ الْفِطْرِ " .
نوید مجید طیب
سیدنا ابو ہریرہ رضی اللہ عنہ سے روایت ہے کہ رسول اللہ ﷺ نے عید الفطر اور عید الاضحی کے دو دنوں کے روزے سے منع فرمایا ہے۔
حدیث نمبر: 170
أَنْبَأَنَا مَالِكٌ ، عَنِ ابْنِ شِهَابٍ ، عَنْ أَبِي عُبَيْدٍ ، مَوْلَى ابْنِ أَزْهَرَ قَالَ : شَهِدْتُ الْعِيدَ مَعَ عُمَرَ بْنِ الْخَطَّابِ رَضِيَ اللَّهُ عَنْهُ فَجَاءَ فَصَلَّى ثُمَّ انْصَرَفَ ، فَخَطَبَ النَّاسَ فَقَالَ : إِنَّ هَذَيْنِ يَوْمَانِ نَهَى رَسُولُ اللَّهِ صَلَّى اللَّهُ عَلَيْهِ وَسَلَّمَ عَنْ صِيَامِهِمَا : يَوْمُ فِطْرِكُمْ مِنْ صِيَامِكُمْ ، وَالآخَرُ يَوْمَ تَأْكُلُونَ فِيهِ مِنْ نُسُكِكُمْ " . قَالَ أَبُو عُبَيْدٍ : شَهِدْتُ الْعِيدَ مَعَ عُثْمَانَ بْنِ عَفَّانَ رَضِيَ اللَّهُ عَنْهُ فَجَاءَ فَصَلَّى ثُمَّ انْصَرَفَ فَخَطَبَ فَقَالَ : إِنَّهُ قَدِ اجْتَمَعَ لَكُمْ فِي يَوْمِكُمْ هَذَا عِيدَانِ فَمَنْ أَحَبَّ مِنْ أَهْلِ الْعَالِيَةِ أَنْ يَنْتَظِرَ الْجُمُعَةَ فَلْيَنْتَظِرْهَا وَمَنْ أَحَبَّ أَنْ يَرْجِعَ فَلْيَرْجِعْ فَقَدْ أَذِنْتُ لَهُ قَالَ أَبُو عُبَيْدٍ : ثُمَّ شَهِدْتُ الْعِيدَ مَعَ عَلِيِّ بْنِ أَبِي طَالِبٍ رَضِيَ اللَّهُ عَنْهُ وَعُثْمَانُ مَحْصُورٌ رَضِيَ اللَّهُ عَنْهُمَا فَجَاءَ فَصَلَّى ثُمَّ انْصَرَفَ فَخَطَبَ .
نوید مجید طیب
ابو عبیدہ مولیٰ ابن ازہر رحمہ اللہ فرماتے ہیں کہ مجھے سیدنا عمر رضی اللہ عنہ کے ساتھ نماز عید پڑھنے کا شرف حاصل ہوا عمر رضی اللہ عنہ آئے نماز پڑھائی پھر لوگوں کی طرف رخ کیا اور خطبہ دیا اور فرمایا : ”ان دو دنوں کا روزہ رکھنے سے رسول اللہ ﷺ نے منع کیا ہے ایک وہ دن جب تم روزے پورے کر لیتے ہو اور دوسرا جب قربانی کا گوشت کھاتے ہو۔“ ابو عبیدہ کہتے ہیں کہ سیدنا عثمان بن عفان رضی اللہ عنہ کے ساتھ میں نماز عید میں شریک ہوا وہ آئے نماز پڑھائی پھر لوگوں کی طرف رُخ کیا اور خطبہ دیا تو فرمایا : ”آج دوعید میں جمع ہوگئی ہیں (جمعہ اور عید) دور سے آنے والا آج اگر جمعہ بھی پڑھنا چاہتا ہے تو مدینہ میں ہی انتظار کرے اور جو واپس جانا چاہتا ہے جاسکتا ہے اسے میں اجازت دیتا ہوں۔“ ابو عبیدہ کہتے ہیں پھر میں نے سیدنا علی رضی اللہ عنہ کے ساتھ نماز عید پڑھی سیدنا عثمان رضی اللہ عنہ بھی حاضر تھے سیدنا علی رضی اللہ عنہ آئے نماز پڑھائی پھر پلٹے تو خطبہ ارشاد فرمایا۔
وضاحت:
➊ عیدین کے روز روزہ ممنوع ہے۔
➋ خطبہ عیدین میں عیدین سے متعلقہ مسائل بھی بیان کرنے چاہئیں۔
➌ جمعہ کے روز عید ہو تو نماز عید پڑھنے کے بعد جمعہ کی ادائیگی کی رخصت ہے۔
➍ عید کے روز جمعہ نہ پڑھنے والا نماز ظہر ادا کرے گا۔
➎ پہلے نماز عید ادا کرنا ہوگی اس کے بعد خطبہ عید ہے۔ نماز سے قبل تقریر یا خطبہ غیر مسنون ہے۔
➋ خطبہ عیدین میں عیدین سے متعلقہ مسائل بھی بیان کرنے چاہئیں۔
➌ جمعہ کے روز عید ہو تو نماز عید پڑھنے کے بعد جمعہ کی ادائیگی کی رخصت ہے۔
➍ عید کے روز جمعہ نہ پڑھنے والا نماز ظہر ادا کرے گا۔
➎ پہلے نماز عید ادا کرنا ہوگی اس کے بعد خطبہ عید ہے۔ نماز سے قبل تقریر یا خطبہ غیر مسنون ہے۔