السنن الكبرى للبيهقي

ہمیں سیدنا عبداللہ بن بسر رضی اللہ عنہ کی حدیث میں نبی کریم ﷺ سے روایت پہنچی ہے کہ جب آپ ﷺ ان کے والد کے ہاں (مہمان بن کر) تشریف لائے اور انہوں نے عرض کیا: ”ہمارے لیے دعا فرمائیے۔“
تو آپ ﷺ نے فرمایا: ”اے اللہ! تو نے انہیں جو رزق عطا کیا ہے اس میں ان کے لیے برکت عطا فرما، اور ان کی مغفرت فرما اور ان پر رحم فرما۔“

سیدنا انس رضی اللہ عنہ یا کوئی دوسرے فرماتے ہیں کہ رسول اللہ ﷺ نے سیدنا سعد بن عبادہ رضی اللہ عنہما کے پاس آنے کی اجازت طلب کی تو فرمایا: ”«السَّلَامُ عَلَيْكُمْ وَرَحْمَةُ اللهِ وَبَرَكَاتُهُ» ”تم پر سلامتی، اللہ کی رحمت اور اس کی برکتیں ہوں“” تو سیدنا سعد رضی اللہ عنہما نے کہا: «وَعَلَيْكُمُ السَّلَامُ وَرَحْمَةُ اللهِ وَبَرَكَاتُهُ» ”اور تم پر بھی سلامتی، اللہ کی رحمت اور اس کی برکتیں ہوں“ لیکن نبی ﷺ کو سنایا نہیں۔ آپ ﷺ نے تین مرتبہ سلام کہا اور سیدنا سعد رضی اللہ عنہما نے تین مرتبہ ہی جواب دیا، لیکن نبی ﷺ نے سنا نہیں۔ نبی ﷺ واپس چلے گئے تو سیدنا سعد رضی اللہ عنہما بھی پیچھے چلے اور کہا: میرے والد آپ پر قربان! آپ ﷺ نے جب بھی سلام کیا، میرے ان کانوں نے سنا اور میں نے آپ ﷺ کو جواب بھی دیا۔ لیکن آپ ﷺ کو سنوایا نہیں؛ کیونکہ میں پسند کرتا تھا کہ آپ ﷺ سے سلامتی اور برکت کی دعا کی کثرت چاہتا تھا۔ پھر وہ گھر میں داخل ہوئے اور سیدنا سعد رضی اللہ عنہما نے آپ ﷺ کے سامنے منقہ رکھا۔ نبی ﷺ جب کھا کر فارغ ہوئے تو فرمایا: ”«أَكَلَ طَعَامَكُمُ الْأَبْرَارُ، وَصَلَّتْ عَلَيْكُمُ الْمَلَائِكَةُ، وَأَفْطَرَ عِنْدَكُمُ الصَّائِمُونَ» ”نیک لوگوں نے تمہارا کھانا کھایا اور فرشتوں نے تمہارے لیے دعا کی اور روزے داروں نے تمہارے پاس افطار کیا۔“”

حضرت انس رضی اللہ عنہ فرماتے ہیں کہ رسول اللہ ﷺ انصار کی زیارت کو جاتے تھے۔۔۔ اس نے سعد بن عبادہ رضی اللہ عنہ کے گھر میں داخل ہونے کا قصہ بھی بیان کیا ہے۔