السنن الكبرى للبيهقي

محمد بن سیرین رحمہ اللہ فرماتے ہیں کہ اشعث بن قیس رضی اللہ عنہ ایک مرد کے ساتھ چلے تو انھیں اس شخص کی عورت بڑی پسند آئی۔ وہ آدمی راستے میں فوت ہو گیا تو اشعث بن قیس رضی اللہ عنہ نے عورت کو نکاح کا پیغام دیا، لیکن عورت نے انکار کر دیا کہ وہ صرف اپنے فیصلے پر ہی اس سے شادی کرے گی تو اشعث بن قیس رضی اللہ عنہ نے اس عورت کے فیصلے کے مطابق شادی کر لی۔ پھر اشعث رضی اللہ عنہ نے فیصلے سے پہلے ہی طلاق دے دی اور کہنے لگے: اپنا فیصلہ بتاؤ۔
تو اس عورت نے کہا: میں فلاں فلاں غلام کا فیصلہ کرتی ہوں جو ان کے باپ کے موروثی غلام ہیں، اس نے کہا: ان کے علاوہ کوئی اور فیصلہ کرو۔ اس عورت نے انکار کر دیا، وہ سیدنا عمر رضی اللہ عنہ کے پاس آئے اور کہا: اے امیر المومنین! میں تین مرتبہ عاجز آگیا۔ تو انہوں نے پوچھا: وہ کیا ہیں؟ کہنے لگے: میں نے ایک عورت سے عشق کیا۔ فرمانے لگے: یہ وہ چیز ہے جس کا تو مالک نہیں تھا۔ اس نے کہا: پھر میں نے اس کے فیصلے پر شادی کر لی، پھر اس کے فیصلہ کرنے سے پہلے ہی طلاق دے دی تو سیدنا عمر رضی اللہ عنہ نے فرمایا: یہ مسلمان عورت ہے، امام شافعی رحمہ اللہ فرماتے ہیں کہ سیدنا عمر رضی اللہ عنہ کی مراد یہ ہے کہ اس کے لیے مسلمان عورتوں والا حق مہر ہے، یعنی اس کے قبیلے کی عورتوں جیسا۔

ابن سیرین رحمہ اللہ فرماتے ہیں کہ اشعث بن قیس رضی اللہ عنہ نے ایک عورت سے عشق کرتے ہوئے اس کے فیصلے کے مطابق شادی کر لی، تو اس عورت نے ان کے ذمہ دو غلام ڈال دیے، تو اشعث رضی اللہ عنہ حضرت عمر رضی اللہ عنہ کے پاس آئے اور کہنے لگے: میں نے عشق کی وجہ سے عورت سے شادی کی، انہوں نے فرمایا: یہ ان چیزوں میں سے ہے جن کا تو مالک نہیں۔ اشعث رضی اللہ عنہ کہنے لگے: میں نے اس کے حکم کو مانا جو لاگو کیا ہوا ہے، حضرت عمر رضی اللہ عنہ نے فرمایا: اس کے لیے کچھ نہیں سوائے اس کے قبیلے کی عورتوں کے حقِ مہر کے۔