السنن الكبرى للبيهقي

سیدنا انس رضی اللہ عنہ فرماتے ہیں کہ رسول اللہ ﷺ نے ”«الْمُخَاضَرَةِ» (پھل پکنے سے پہلے فروخت کرنا) اور «الْمُعَاقَلَةِ» (کوئی شخص گندم کی کھیتی کو ایک سو فرق کے عوض فروخت کر دے) اور «الْمُزَابَنَةِ» (کھجور کے درخت کی کھجوریں خشک کھجور کے بدلے متعین ماپ سے فروخت کی جائیں اگر زیادہ ہوں تو میرا حق ہوگا اور کم پڑیں تو ان کی ادائیگی میرے ذمہ ہوگی)“ اور ابن عمر بن یونس رحمہ اللہ نے زیادہ کیا کہ ”«الْمُنَابَذَةِ» (ایک آدمی دوسرے کی طرف اپنا کپڑا پھینکتا ہے اور ان کا سودا بغیر دیکھے اور بغیر رضامندی کے طے ہو جاتا ہے) اور «الْمُلَامَسَةِ» (کوئی شخص کسی دوسرے شخص کے کپڑے کو دن ہو یا رات چھوتا ہے، اس کو الٹ پلٹ کر نہیں دیکھتا)“ سے منع فرمایا ہے۔

حضرت عمر بن یونس بن قاسم یمامی رحمہ اللہ اپنی سند سے نقل فرماتے ہیں کہ انہوں نے کہا: ”محاقلہ، مخاضرہ، ملامسہ، منابذہ اور مزابنہ۔“ ابوعبید رحمہ اللہ کہتے ہیں کہ مخاضرہ یہ ہوتی ہے کہ پھل پکنے سے پہلے فروخت کر دیا جائے جبکہ وہ ابھی سبز ہو، اور مخاضرہ میں تر کھجور، سبزیوں اور اس کے مشابہ کی بیع بھی شامل ہے۔ اس وجہ سے اسے اس شخص نے مکروہ خیال کیا جس نے ایک حصہ سے زائد پر تر کھجور کی بیع کو ناپسند کیا ہے۔

برید بن ابی بردہ رحمہ اللہ کہتے ہیں کہ میں نے عطاء رحمہ اللہ سے تر کھجور کے دو حصوں کے بارے میں سوال کیا تو فرمایا: نہیں، صرف ایک حصہ۔