صحيح الادب المفرد

سیدنا جابر بن عبداللہ رضی اللہ عنہما سے روایت ہے کہ نبی صلی اللہ علیہ وسلم سے پوچھا گیا: آپ نے صبح کیسے کی؟ آپ صلی اللہ علیہ وسلم نے فرمایا : ”خیریت سے، ان لوگوں میں سے (ہوں) جنہوں نے (آج) نہ کسی جنازے میں شرکت کی اور نہ کسی مریض کی عیادت کی ۔“

مہاجر — یعنی صائغ (سنار) — سے روایت ہے، انہوں نے کہا: میں نبی صلی اللہ علیہ وسلم کے صحابہ میں سے ایک بھاری جسم والے حضرمی صحابی (رضی اللہ عنہ) کے پاس بیٹھا کرتا تھا، جب ان سے کہا جاتا: آپ نے صبح کیسے کی؟ تو وہ فرماتے: ”ہم اللہ کے ساتھ شرک نہیں کرتے ۔“

سیدنا حذیفہ رضی اللہ عنہ سے روایت ہے، انہوں نے فرمایا: ”اے عمر بن صلیع! جب تم دیکھو کہ (قبیلہ) قیس شام میں پے در پے (جمع ہو کر غالب) آ گیا ہے تو بچو، بچو! اللہ کی قسم! قیس اللہ کے کسی مومن بندے کو نہیں چھوڑیں گے مگر یہ کہ اسے ڈرائیں گے یا قتل کر دیں گے، اور اللہ کی قسم! ان پر ایسا زمانہ ضرور آئے گا کہ وہ (دشمن سے) کسی چھوٹے سے نالے کا آخری سرا تک نہ بچا سکیں گے ۔“