صحيح الادب المفرد

ابو جمرہ سے روایت ہے، انہوں نے کہا: میں نے سیدنا ابن عباس رضی اللہ عنہما کو سنا کہ جب وہ (کسی چھینکنے والے کو) جواب دیتے تو کہتے: «عافانا الله وإياكم من النار. يرحمكم الله» ”اللہ ہمیں اور تمہیں آگ سے محفوظ رکھے، اللہ تم پر رحم کرے۔“

سیدنا ابوہریرہ رضی اللہ عنہ سے روایت ہے، انہوں نے کہا: ہم رسول اللہ صلی اللہ علیہ وسلم کے پاس بیٹھے ہوئے تھے کہ ایک آدمی کو چھینک آئی تو اس نے اللہ کی حمد کی، رسول اللہ صلی اللہ علیہ وسلم نے اسے فرمایا: ”یرحمک اللہ (اللہ تجھ پر رحم کرے)۔“ پھر ایک دوسرے آدمی کو چھینک آئی تو آپ نے اسے کچھ نہ فرمایا۔ اس نے عرض کیا: اللہ کے رسول! آپ نے دوسرے کو جواب دیا اور مجھے کچھ نہ فرمایا؟ آپ صلی اللہ علیہ وسلم نے فرمایا: ”اس نے اللہ کی حمد کی اور تم خاموش رہے۔“