المستدرك على الصحيحين

سیدنا ابوقتادہ رضی اللہ عنہ سے روایت ہے کہ نبی کریم ﷺ نے فرمایا: ”بڑی نشانیاں دو سو (سال) کے بعد ظاہر ہوں گی۔“
یہ حدیث شیخین کی شرط پر صحیح ہے، لیکن ان دونوں نے اسے روایت نہیں کیا۔

سیدنا حذیفہ رضی اللہ عنہ سے مروی ہے کہ انہوں نے (ابوطفیل سے) کہا: ”تمہارا اس وقت کیا حال ہوگا جب ایسا فتنہ (برپا) ہوگا جس میں بہترین لوگ وہی ہوں گے جو غنی (مالدار) ہوں گے اور گوشہ نشینی اختیار کیے ہوئے ہوں گے؟“ (ابوطفیل نے) کہا: میں نے عرض کیا: اللہ کی قسم! یہ تو ہم میں سے کسی کو ملنے والے عطیے کی طرح ہے جسے کبھی ادھر پھینک دیا جاتا ہے اور کبھی ادھر، اور ہر طرف سے اس پر ملامت کی جاتی ہے؛ انہوں نے (حذیفہ رضی اللہ عنہ نے) فرمایا: ”کیا تم «ابن اللبون» (اونٹ کا وہ بچہ جو دو سال کا ہو چکا ہو) کی طرح نہیں بن سکتے؟ جو نہ سواری کے کام آتا ہے کہ اس پر سواری کی جائے اور نہ ہی دودھ دینے والا ہوتا ہے کہ اس کا دودھ نکالا جائے۔“
یہ حدیث صحیح الاسناد ہے، لیکن شیخین نے اسے روایت نہیں کیا۔