المستدرك على الصحيحين

مصعب بن عبداللہ زبیری سے مروی ہے کہ سیدنا ابو سعید عبد الرحمن بن سمرہ بن حبیب بن عبد شمس کی والدہ اروی بنت ابی فرعہ کنانیہ تھیں، آپ کی وفات سن 50 ہجری میں بصرہ میں ہوئی، زیاد نے آپ کی نمازِ جنازہ پڑھائی اور آپ کے جنازے کے ساتھ پیدل چلے۔

عیینہ بن عبد الرحمن اپنے والد سے روایت کرتے ہیں کہ میں سیدنا عبد الرحمن بن سمرہ رضی اللہ عنہ کے جنازے میں نکلا تو زیاد جنازے کے آگے پیدل چل رہا تھا، ان (عبد الرحمن بن سمرہ) کے کچھ آزاد کردہ غلام جنازے کے آگے الٹے قدموں چلتے ہوئے کہہ رہے تھے: ”آرام سے، آرام سے، اللہ تم میں برکت فرمائے“، راوی کہتے ہیں کہ راستے میں مقامِ مربد پر ہمیں سیدنا ابو بکرہ رضی اللہ عنہ ملے، جب انہوں نے ان لوگوں کا یہ فعل دیکھا تو ان پر اپنی خچر چڑھا دی اور کوڑے سے انہیں مارنے کا اشارہ کیا اور فرمایا: ”راستہ چھوڑ دو، اس ذات کی قسم جس نے ابوالقاسم ﷺ کے چہرے کو مکرم بنایا! میں نے خود کو رسول اللہ ﷺ کے ساتھ دیکھا ہے کہ ہم جنازہ لے کر اس تیزی سے چلتے تھے کہ قریب تھا کہ ہم دوڑنے لگیں۔“

حسن بصری بیان کرتے ہیں کہ ہمیں سیدنا عبدالرحمن بن سمرہ بن حبیب بن عبدشمس رضی اللہ عنہ نے حدیث بیان کی۔