المستدرك على الصحيحين

شقیق بیان کرتے ہیں کہ میں نے سیدنا حذیفہ رضی اللہ عنہ کو یہ فرماتے ہوئے سنا: ”سیدنا عبد اللہ بن مسعود رضی اللہ عنہ اپنی عادات و اطوار، چال ڈھال اور طور طریقوں میں رسول اللہ ﷺ کے سب سے زیادہ مشابہ تھے، یہاں تک کہ وہ گھر سے نکلنے سے لے کر واپس آنے تک (سنت کا مجسم نمونہ ہوتے تھے)، مجھے نہیں معلوم کہ ان کے گھر کے اندر کے معاملات کیسے تھے، البتہ رسول اللہ ﷺ کے باخبر صحابہ یہ جانتے ہیں کہ ابنِ امِ عبد (عبد اللہ بن مسعود) قیامت کے دن اللہ کے ہاں سب سے زیادہ مقرب ہوں گے۔“
یہ حدیث شیخین کی شرط پر صحیح ہے لیکن انہوں نے اسے روایت نہیں کیا۔

عون بن عبد اللہ بن عتبہ اپنے والد سے روایت کرتے ہیں کہ سیدنا عبد اللہ بن مسعود رضی اللہ عنہ کی عبادت کا یہ حال تھا کہ جب تمام آنکھیں سو جاتیں تو صبح تک ان کے ہاں سے شہد کی مکھیوں کی بھنبھناہٹ جیسی (تلاوت و گریہ کی) آواز سنائی دیتی تھی۔