المستدرك على الصحيحين

محمد بن اسحاق بیان کرتے ہیں کہ انصار میں سے بنو عبد الاشہل کے ابو الہیثم بن تیہان (جن کا نام مالک تھا اور وہ ان کے حلیف تھے) بیعتِ عقبہ اولیٰ اور ثانیہ دونوں میں شریک ہوئے، وہ نقیب تھے اور انہوں نے غزوہ بدر میں شرکت کی، ان کی کوئی اولاد نہیں تھی۔

محمد بن عمر اپنے شیوخ سے روایت کرتے ہیں کہ ابو الہیثم بن تیہان کا نام مالک تھا، ان کا تعلق قبیلہ بلی بن عمرو سے تھا اور وہ بنو عبد الاشہل کے حلیف تھے، ابو الہیثم بن تیہان اور اسعد بن زرارہ رضی اللہ عنہما مکہ میں انصار کے ان اولین افراد میں سے تھے جو اسلام لائے اور اپنی قوم سے پہلے رسول اللہ ﷺ سے ملے اور مدینہ میں اسلام کی خوشخبری لے کر آئے، ابو الہیثم ان ستر انصار میں شامل تھے جنہوں نے بیعتِ عقبہ کی تھی اور وہ بارہ نقیبوں میں سے ایک تھے، اس بات میں کوئی اختلاف نہیں ہے، رسول اللہ ﷺ نے ان کے اور عثمان بن مظعون رضی اللہ عنہ کے درمیان بھائی چارہ قائم فرمایا تھا، ابو الہیثم رضی اللہ عنہ غزوہ بدر، احد، خندق اور رسول اللہ ﷺ کے ہمراہ تمام غزوات میں شریک رہے۔