المستدرك على الصحيحين

صالح بن کیسان سے مروی ہے کہ ابو الہیثم بن تیہان رضی اللہ عنہ کی وفات سیدنا عمر بن خطاب رضی اللہ عنہ کے دورِ خلافت میں ہوئی۔

بنو عبد الاشہل کے بزرگوں سے مروی ہے کہ ابو الہیثم بن تیہان رضی اللہ عنہ کی وفات سنہ 20 ہجری میں مدینہ منورہ میں ہوئی۔

سیدنا عبداللہ بن عباس رضی اللہ عنہما سے روایت ہے کہ ایک دن رسول اللہ ﷺ دوپہر کے وقت اپنے گھر سے باہر تشریف لائے تو دیکھا کہ سیدنا ابوبکر صدیق رضی اللہ عنہ مسجد میں بیٹھے ہیں، آپ ﷺ نے دریافت فرمایا: ”اے ابوبکر! اس وقت تمہیں کس چیز نے گھر سے نکالا؟“ انہوں نے عرض کیا: یا رسول اللہ! اسی ضرورت (بھوک) نے جس نے آپ کو نکالا، پھر سیدنا عمر رضی اللہ عنہ آئے تو آپ ﷺ نے پوچھا: ”اے خطاب کے بیٹے! تمہیں کس چیز نے نکالا؟“ انہوں نے بھی وہی عرض کیا جو ابوبکر رضی اللہ عنہ نے کیا تھا، چنانچہ رسول اللہ ﷺ ان دونوں کے ساتھ بیٹھ کر گفتگو فرمانے لگے، پھر آپ ﷺ نے فرمایا: ”کیا تم میں اتنی قوت ہے کہ ہم ان کھجوروں کے باغوں کی طرف چلیں - آپ ﷺ نے انصار کے گھروں کی طرف اشارہ فرمایا - تاکہ ان شاء اللہ کھانا، پینا اور سایہ میسر آ سکے؟“ ہم نے عرض کیا: جی ہاں، پھر رسول اللہ ﷺ روانہ ہوئے اور ہم بھی آپ ﷺ کے ساتھ چل پڑے۔
سیدنا سعید بن عامر بن حذیم رضی اللہ عنہ کے مناقب کا ذکر۔