المستدرك على الصحيحين

سیدہ اسماء بنت عمیس رضی اللہ عنہا سے روایت ہے، انہوں نے کہا: میں رسول اللہ ﷺ کی صاحبزادی سیدہ فاطمہ رضی اللہ عنہا کی رخصتی میں موجود تھی، جب صبح ہوئی تو نبی کریم ﷺ دروازے پر تشریف لائے اور فرمایا: ”اے ام ایمن! میرے بھائی کو بلاؤ“، انہوں نے عرض کیا: وہ آپ کے بھائی ہیں اور آپ اپنی بیٹی کا نکاح ان سے کر رہے ہیں؟! آپ ﷺ نے فرمایا: ”ہاں اے ام ایمن!“ پھر سیدنا علی تشریف لائے تو نبی کریم ﷺ نے ان پر پانی کے چھینٹے مارے اور ان کے لیے دعا فرمائی، پھر فرمایا: ”فاطمہ کو میرے پاس بلاؤ“، اسماء رضی اللہ عنہا کہتی ہیں کہ وہ حیا کی وجہ سے لڑکھڑاتی ہوئی آئیں، تو رسول اللہ ﷺ نے ان سے فرمایا: ”پرسکون رہو، میں نے تمہارا نکاح اپنے اہل بیت میں سے مجھے سب سے زیادہ محبوب شخص سے کیا ہے“، اسماء کہتی ہیں کہ نبی کریم ﷺ نے ان پر بھی پانی چھڑکا، پھر رسول اللہ ﷺ واپس مڑے تو اپنے سامنے ایک سایہ دیکھا، دریافت فرمایا: ”یہ کون ہے؟“ میں نے عرض کیا: میں اسماء ہوں، آپ ﷺ نے پوچھا: ”اسماء بنت عمیس؟“ میں نے عرض کیا: جی ہاں، آپ ﷺ نے فرمایا: ”کیا تم رسول اللہ کی بیٹی کی رخصتی کے لیے آئی ہو؟“ میں نے عرض کیا: جی ہاں، تو آپ ﷺ نے میرے لیے دعا فرمائی۔

ام المؤمنین سیدہ عائشہ رضی اللہ عنہا سے روایت ہے، انہوں نے فرمایا: میں نے گفتگو اور بات چیت کے انداز میں سیدہ فاطمہ رضی اللہ عنہا سے بڑھ کر کسی کو رسول اللہ ﷺ کے مشابہ نہیں دیکھا، اور جب وہ آپ ﷺ کے پاس تشریف لاتیں تو آپ ﷺ ان کے استقبال کے لیے کھڑے ہو جاتے، ان کا بوسہ لیتے، انہیں خوش آمدید کہتے اور ان کا ہاتھ تھام کر اپنی جگہ پر بٹھاتے، اسی طرح جب رسول اللہ ﷺ ان کے پاس تشریف لے جاتے تو وہ آپ ﷺ کے استقبال کے لیے کھڑی ہو جاتیں اور آپ ﷺ کے دستِ مبارک کا بوسہ لیتیں۔
یہ حدیث شیخین کی شرط پر صحیح ہے لیکن انہوں نے اسے روایت نہیں کیا۔