المستدرك على الصحيحين

سیدنا انس بن مالک رضی اللہ عنہ سے روایت ہے کہ میں نے رسول اللہ ﷺ کو فرماتے ہوئے سنا: ”جو کوئی کسی کو کسی کام کی دعوت دیتا ہے، وہ قیامت کے دن اس کے ساتھ کھڑا کیا جائے گا اور اس کے ساتھ ہی لایا جائے گا“، پھر آپ ﷺ نے یہ آیت تلاوت فرمائی: ﴿وَقِفُوهُمْ إِنَّهُمْ مَسْئُولُونَ﴾ ”اور انہیں ٹھہراؤ، یقیناً ان سے سوال کیا جانا ہے۔“ [سورة الصافات: 24] حسن بن احمد تستری نے اسے اسی طرح بیان کیا ہے، اگر ہمارے لیے اسے قبول کرنا جائز ہوتا تو ہم اسے شیخین کی شرط پر صحیح قرار دیتے، لیکن ہم کہتے ہیں کہ اس کا درست متن اگلی حدیث والا ہے۔

سیدنا انس بن مالک رضی اللہ عنہ سے روایت ہے کہ میں نے رسول اللہ ﷺ کو فرماتے ہوئے سنا: ”جس نے اپنے مسلمان بھائی کو کسی کام کی طرف بلایا، یا کسی بھی شخص نے کسی دوسرے کو پکارا، تو وہ قیامت کے دن اس کے ساتھ کھڑا کیا جائے گا اور اس کے ساتھ ہی لایا جائے گا“، پھر رسول اللہ ﷺ نے یہ آیت تلاوت فرمائی: ﴿وَقِفُوهُمْ إِنَّهُمْ مَسْئُولُونَ﴾ ”اور انہیں ٹھہراؤ، یقیناً ان سے سوال کیا جانا ہے۔“ [سورة الصافات: 24]
امام حاکم فرماتے ہیں: اپنے زمانے کے امام ابویعقوب حنظلی کی روایت سے یہ واضح ہو گیا کہ کسی نہ کسی سند کے ساتھ اس حدیث کی اصل موجود ہے۔