المستدرك على الصحيحين

سیدنا ابوالیسر سلمی رضی اللہ عنہ (جن کا نام کعب بن عمرو ہے) سے روایت ہے کہ نبی کریم ﷺ دعا فرمایا کرتے تھے: «اللَّهُمَّ إِنِّي أَعُوذُ بِكَ مِنَ الْهَدْمِ وَالتَّرَدِّي، وَالْهَرَمِ وَالْغَمِّ، وَالْغَرَقِ وَالْحَرَقِ، وَأَعُوذُ بِكَ أَنْ يَتَخَبَّطَنِي الشَّيْطَانُ عِنْدَ الْمَوْتِ، وَأَعُوذُ بِكَ أَنْ أَمُوتَ فِي سَبِيلِكَ مُدْبِرًا، وَأَعُوذُ بِكَ أَنْ أَمُوتَ لَدِيغًا» ”اے اللہ! میں تیری پناہ مانگتا ہوں کسی چیز کے نیچے دب کر مرنے سے، بلندی سے گرنے سے، انتہائی بڑھاپے سے اور غم سے، ڈوب کر مرنے اور جل کر مرنے سے، اور میں تیری پناہ مانگتا ہوں اس بات سے کہ شیطان موت کے وقت مجھے بہکا دے، اور اس سے کہ میں تیری راہ میں پیٹھ پھیر کر (بزدلی دکھاتے ہوئے) مروں، اور میں تیری پناہ مانگتا ہوں اس سے کہ میں کسی زہریلے جانور کے ڈسنے سے مروں۔“
اس حدیث کی سند صحیح ہے لیکن شیخین نے اسے روایت نہیں کیا۔

سیدنا زیاد بن علاقہ اپنے چچا سے روایت کرتے ہیں کہ نبی کریم ﷺ فرمایا کرتے تھے: «اللَّهُمَّ جَنِّبْنِي مُنْكَرَاتِ الْأَخْلَاقِ وَالْأَهْوَاءِ وَالْأَعْمَالِ وَالْأَدْوَاءِ» ”اے اللہ! مجھے برے اخلاق، بری خواہشات، برے اعمال اور بری بیماریوں سے بچا لے۔“
یہ حدیث امام مسلم کی شرط پر صحیح الاسناد ہے لیکن شیخین نے اسے روایت نہیں کیا۔