المستدرك على الصحيحين

سیدنا انس بن مالک رضی اللہ عنہ سے روایت ہے کہ نبی کریم ﷺ نے فرمایا: ”مومن کے (جنازے کے) پیچھے تین چیزیں جاتی ہیں: اس کے گھر والے، اس کا مال اور اس کے اعمال؛ پھر دو واپس لوٹ آتے ہیں اور ایک (قبر میں) باقی رہ جاتا ہے، اس کے گھر والے اور مال واپس آ جاتے ہیں جبکہ اس کے اعمال باقی رہ جاتے ہیں۔“

سیدنا انس رضی اللہ عنہ سے روایت ہے کہ نبی کریم ﷺ نے فرمایا: ”کوئی بندہ ایسا نہیں ہے جس کے تین گہرے دوست نہ ہوں“ پھر انہوں نے سابقہ حدیث کی طرح مکمل طویل روایت ذکر فرمائی۔

سیدنا نعمان بن بشیر رضی اللہ عنہ سے روایت ہے کہ رسول اللہ ﷺ نے فرمایا: ”مومن اور اس کی موت کی مثال اس شخص جیسی ہے جس کے تین گہرے دوست ہوں، اس کا مال اس سے کہتا ہے: میں تمہارا مال ہوں، مجھ میں سے جو چاہو لے لو اور جو چاہو چھوڑ دو؛ دوسرا (دوست) کہتا ہے: میں تمہارے ساتھ ہوں، تمہیں (سواری پر) اٹھائے رکھوں گا اور (منزل پر) اتاروں گا لیکن جب تم مر جاؤ گے تو تمہیں چھوڑ دوں گا، (آپ ﷺ نے فرمایا:) یہ اس کا قبیلہ اور خاندان ہے؛ اور تیسرا دوست کہتا ہے: میں تمہارے ساتھ ہوں، تمہارے ساتھ ہی (قبر میں) داخل ہوں گا اور تمہارے ساتھ ہی نکلوں گا، خواہ تم مر جاؤ یا زندہ رہو، (آپ ﷺ نے فرمایا:) یہ انسان کا عمل ہے۔“