مصنف ابن ابي شيبه

حضرت انس رضی اللہ عنہ فرماتے ہیں کہ رسول اللہ صلی اللہ علیہ وآلہ وسلم ہم بچوں کے پاس تشریف لائے اور آپ صلی اللہ علیہ وآلہ وسلم نے ہمیں سلام کیا۔

حضرت انس رضی اللہ عنہ فرماتے ہیں کہ رسول اللہ صلی اللہ علیہ وآلہ وسلم ہمارے پاس سے گزرے اس حال میں کہ ہم بچے تھے تو آپ صلی اللہ علیہ وآلہ وسلم نے فرمایا : اے بچو ! السلام علیکم۔

حضرت حکم فرماتے ہیں کہ حضرت شریح بچوں کو سلام کیا کرتے تھے۔

حضرت حکم فرماتے ہیں کہ حضرت شریح جب بچوں پر گزرتے تھے تو آپ انہیں سلام کرتے تھے۔

حضرت حنش بن حارث فرماتے ہیں کہ حضرت عمرو بن میمون ہم بچوں کے پاس سے گزرتے تھے تو ہم پر سلام کرتے تھے۔

حضرت اُبیّ بن عبد اللہ فرماتے ہیں کہ ابراہیم جب ہم بچوں کے پاس سے گزرتے تھے تو آپ ہمیں سلام کرتے تھے۔

حضرت ابن عون فرماتے ہیں کہ محمد بچوں پر سلام کرتے تھے اور ان کو سناتے نہیں تھے۔