مصنف ابن ابي شيبه

حضرت علی رضی اللہ عنہ سلم میں گروی اور کفیل کو مکروہ خیال فرماتے تھے۔

حضرت ابن عمر رضی اللہ عنہما سے سلم میں گروی کے بارے میں سوال کیا گیا تو انہوں نے فرمایا کہ یہ ملایا ہوا نفع ہے۔

حضرت ابن عباس رضی اللہ عنہما سلم میں گروی کو مکروہ قرار دیتے تھے۔

حضرت طاوس ادھار والی بیع میں رہن اور کفیل کو مکروہ قرار دیتے تھے۔

حضرت بکیر بن عتیق کہتے ہیں کہ میں نے سعید بن جبیر سے سوال کیا کہ کپاس سلم میں گروی رکھوا سکتا ہوں ؟ انہوں نے فرمایا کہ یہ ملایا ہو انفع ہے۔ میں نے کہا کہ کیا میں کفیل بنا سکتا ہوں ؟ انہوں نے کہا کہ یہ ملایا ہوا نفع ہے۔

حضرت شریح سلم میں رہن کو مکروہ خیال فرماتے تھے۔

حضرت سعید بن جبیر سلم میں رہن اور کفیل کو مکروہ خیال فرماتے تھے۔