مصنف ابن ابي شيبه

حضرت ابو قلابہ اور حضرت ابن سیرین اس باندی کے بارے میں فرماتے ہیں جو خریدی جانے کے بعد حائضہ نہ ہو کہ حمل سے خالی ہونے کے لئے کم ازکم تین مہینے تک انتظار کیا جائے گا۔

حسن فرماتے ہیں کہ تین مہینے تک اس کے حمل سے خالی ہونے کا انتظار کیا جائے گا۔

حضرت عطاء اور حضرت طاؤس فرماتے ہیں کہ اگر ایک حیض سے اس کا حمل سے خالی ہونا معلوم ہوجائے تو ٹھیک ورنہ تین حیض تک انتظار کیا جائے گا۔

ابراہیم فرماتے ہیں کہ تین ماہ تک انتظار کیا جائے گا۔

حضرت مجاہد فرماتے ہیں کہ تین ماہ تک انتظار کیا جائے گا۔

حضرت عمر بن عبد العزیز فرماتے ہیں کہ تین ماہ تک انتظار کیا جائے گا۔