مصنف ابن ابي شيبه

حضرت سعید بن المسیب سے مروی ہے کہ نبی کریم صلی اللہ علیہ وآلہ وسلم نے ارشاد فرمایا : محرم بھیڑیے کو مار سکتا ہے۔

حضرت سعید بن المسیب سے اسی طرح مروی ہے۔

حضرت ابن عمر رضی اللہ عنہما فرماتے ہیں کہ محرم بھیڑیے کو مار سکتا ہے۔

حضرت سعید بن جبیر فرماتے ہیں کہ بھیڑیے کو اپنی سواری سے دور کردو اگرچہ تم محرم ہو۔

حضرت سعید بن المسیب فرماتے ہیں محرم بھیڑیے کو مار سکتا ہے۔

حضرت قبیصہ بن زویب فرماتے ہیں کہ حرم میں بھیڑیے کو مارا جائے گا۔

حضرت عطاء اور حسن سے دریافت کیا گیا کہ محرم بھیڑیے اور شیر کو مار سکتا ہے ؟ آپ حضرات نے فرمایا کہ ان کو مارا جائے گا کیونکہ یہ انسان کے دشمن ہیں۔

حضرت عمر فرماتے ہیں کہ محرم بھیڑیے اور سانپ کو مار سکتا ہے۔

حضرت عطاء فرماتے ہیں کہ بھیڑیے کو مارا جائے گا اور ہر اس انسانی دشمن (درندے) کو جس کا کتاب اللہ میں ذکر نہیں ہے۔