مصنف ابن ابي شيبه

حضرت طاؤس فرماتے ہیں کہ ایسی صورت میں اس پر اس کی نیت ہے۔

حضرت قاسم سے بھی اسی طرح منقول ہے۔

ابراہیم، حضرت جابر اور حضرت عامر فرماتے ہیں کہ اس کے ذمہ اس کی نیت کرنا ہے۔

یونس فرماتے ہیں کہ میں ماہ رجب میں عمرہ کرنے کی نیت سے نکلا میں نے عمرے کا احرام باندھنے کا ارادہ کیا پھر میں نے حج کا احرام باندھ لیا، میں نے حضرت سعید بن جبیر سے اس کے متعلق دریافت کیا ؟ آپ ہنس پڑے اور فرمایا تجھ پر کچھ نہیں ہے (گناہ اور دم وغیرہ) اور حسن نے بھی حضرت سعید بن جبیر کے قول کے مثل فرمایا۔

حضرت عطاء اس شخص کے متعلق فرماتے ہیں کہ جو عمرہ کے ارادہ سے چلے لیکن وہ احرام اور تلبیہ حج کا کہے تو فرمایا اس پر حج کرنا واجب نہیں ہے۔