المعجم الكبير للطبراني

سیدنا ابویزید رضی اللہ عنہ سے، ان کے بیٹے حکیم روایت کرتے ہیں کہ رسول اللہ ﷺ نے فرمایا: ”لوگوں کو چھوڑ دو کہ ایک دوسرے سے فائدہ اٹھائیں، اور جب وہ تم سے نصیحت طلب کریں تو انہیں نصیحت کرو۔“

سیدنا ابویزید رضی اللہ عنہ سے، ان کے بیٹے حکیم روایت کرتے ہیں کہ رسول اللہ ﷺ نے فرمایا: ”لوگوں کو چھوڑ دو کہ ایک دوسرے کے ذریعے رزق پائیں، اور جب تم میں سے کوئی اپنے بھائی سے نصیحت طلب کرے تو وہ اسے نصیحت کرے۔“

سیدنا ابویزید رضی اللہ عنہ سے، ان کے بیٹے حکیم روایت کرتے ہیں کہ رسول اللہ ﷺ نے فرمایا: ”لوگوں کو چھوڑ دو کہ ایک دوسرے کے ذریعے رزق پائیں، اور جب کوئی آدمی کسی آدمی سے نصیحت طلب کرے تو وہ اسے نصیحت کرے۔“

سیدنا ابویزید رضی اللہ عنہ سے، ان کے بیٹے حکیم روایت کرتے ہیں کہ نبی کریم ﷺ نے فرمایا: ”لوگوں کو چھوڑ دو کہ ایک دوسرے کے ذریعے رزق پائیں، اور جب تم میں سے کوئی اپنے بھائی سے مشورہ طلب کرے تو وہ اسے نصیحت کرے۔“

سیدنا ابویزید رضی اللہ عنہ سے، ان کے بیٹے حکیم روایت کرتے ہیں کہ رسول اللہ ﷺ نے فرمایا: ”کوئی شہری کسی دیہاتی کا سامان بیچ کر منافع نہ کمائے (یعنی دلالی نہ کرے)، لوگوں کو چھوڑ دو کہ ایک دوسرے سے فائدہ اٹھائیں، اور جب کوئی آدمی اپنے بھائی سے نصیحت طلب کرے تو وہ اسے نصیحت کرے۔“
امام طبرانی رحمہ اللہ فرماتے ہیں: منصور بن ابی الاسود نے حکیم بن ابی یزید کی روایت میں یوں کہا، اور اس حدیث میں دوسرے راویوں کی روایت پر یہ اضافہ کیا ہے: ”کوئی شہری کسی دیہاتی کا سامان نہ بیچے۔“

یزید بن ابی حکیم اپنے والد سے، نبی کریم ﷺ سے اسی طرح کی حدیث روایت کرتے ہیں۔